Esaia 30:6 - Tosi Tapu

⁶ Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 30:6 ပူးပေါင်းရင်းမြစ်များ

Senesi 12:9

Na toe soko atu loa e Apalamo lona fanoga o ano ki le potu saute.

Uluaki tosi o Sau 10:2

Na kaku mai loa a ia ki Selusalemi mo lana kau fanoga toka api, ti mo se kau kamelo leia na amo ia ni nea fakamanogi, mo se aulo lasi ai, ti mo ni fatu mauiga. Na ano loa a ia kia Salomone, ti na fakasa loa e ia kiate ia a nea fuli ala na maua e ia i lona loto.

Lua tosi o Koloniko 16:2

Na too loa e Asa se siliva mo se aulo mei koloa o le fale o le Eteleno mo le fale o le sau, ti na kakau loa e ia ni tagata avelogo kia Pene-Atate, sau o Silia, leia na nofo i Tamaso.

Lua tosi o Koloniko 9:1

Na logo loa le fafine sau o Sepa ki le logologona o Salomone, ti na au loa a ia ki Selusalemi ke asiasii le poto o Salomone ki ni vesili faigataa. Na au a ia mo se toka api o ana kau tagata fakasausau, mo se kau kamelo leia na fetuku ia ni nea fakamanogi, mo se aulo lasi ai, ti mo ni fatu mauiga. Na ano loa le fafine sau o Sapa ki le sau ko Salomone, ti na fai loa e ia kiate ia ana vesili fuli ala na maua i lona loto.

Sopo 39:11

E taka a ia i mauga o afa lana nea kai, Ti e afa e ia a nea fuli e sesega.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Esaia 15:7

Koia kua lotou tanaki ai le nea leia e toe, Ti kua lotou ave a ia ki leia fetuu o le liua o sole.

Esaia 19:4

Ti e pati le Eteleno o kau tau : E kau tuku loa Esipito ki lima o se pule itaita ; E pule loa se sau veli kia latou.

Esaia 35:9

I le ala lena, e leai se laione ; E leaise ano loa i ai se manu fekai, E leaise felavei loa i ai mo se manu fekai. Ko latou ala na saofaki e le Eteleno e saele loa i ai.

Esaia 5:30

I le aso lena, e i ai loa se gugulu i ona tafa, Ofaipe le gugulu o le afa i le tai ; Ka tio ki le fenua, e tio loa ki le fakapouli ata, Mo ni tuania ti mo ni amanaki malie o faifai lakaga ; Ti e fakapouli loa le lagi.

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 11:4

Leia na kau tuku ki okoutou tamana, I le aso leia na kau fakamavae ai latou mei le fenua o Esipito, Mei le gutuumu ukamea kaka, o pati : Kotou fakalogo ki loku leo, ti kotou fai a nea fuli ala e kau fakatotonu atu loa kia koutou ; Ti e kotou liliu loa ko loku kakai, Ti e kau liliu loa ko lokoutou Atua.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 12:2

E kai e Efalaimi le matagi, ti e tuli e ia le matagi o le potu Esite. I aso fuli e liuliuga e ia le loi mo le agaitaita ; E fai e ia se sai mo Asilia, Ti e fetuku e ia se lolo ki Esipito.

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Sakalia 6:6

Na ano loa a osi uli ala na sai ki le tasi saliote ki le potu noleto, ti na muli ia latou a osi tea ; kae na ano loa a osi pulepule kula ki le fenua o le potu saute.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Numelo 21:8

Na pati loa le Eteleno kia Moisese : Fai se gata kapa kiate koe, ti ke fakapipiki loa a ia ki se pou laakau ; ko leia e uuti loa e se gata, ti e tio loa a ia ki le gata kapa, e mauli loa i ai.

Mateo 12:42

E tuu ake loa ki aluga le fafine sau o le potu toga, i le aso o le fakamaau, mo le tautupu leinei, o fakatua loa a ia, talie na au a ia mei potupotu o le malama nei o fakalogo ki le poto o Salomone, ti ko leinei, e i ai se tasi i leinei e lasi ake ia Salomone.

Tetelonome 17:16

Kae ke aua na maua loa e ia se kau osi lasi ; ti ke aua na toe fakaliliu loa e ia le kakai ki Esipito o totogi ni osi. Talie na pati le Eteleno kia koutou : Ke aua na kotou toe liliu loa i le ala lena.

Tetelonome 4:20

Kae ko koutou, kua too koutou e le Eteleno, ti na fakamavae e ia koutou mei le gutuumu ukamea o Esipito, ke kotou soko ko le kakai o lona tofiga totonu, ofaipe lakotou nofo i le aso nei.

Tetelonome 8:15

leia na fakasaele ia a koe i le toafa lasi leinei mo fakaii, leia e maua ai a gata kona, mo sekolopio, mo le laaina, mo le malo ; leia na fakasali ia kiate koe se vai mei le utu fefeka ;