Esaia 30:4 - Tosi Tapu

⁴ Ko leinei kua kaku foki a pule o Suta ki Tesoane, Ti mo ona fakafofoga ki Anese.

Esaia 30:4 ပူးပေါင်းရင်းမြစ်များ

Lua tosi o Sau 17:4

Kae na iloa loa e le sau o Asilia se agatuu kiate ia i le fale o Ose, ti na kakau loa e ia ni tagata avelogo ki le sau o Esipito ko So, leia na leaise koi soli ia le tukusau i le fetuu ki le sau o Asilia. Na sai loa e le sau o Asilia a Ose ki ni tini, o tuku ki le pilisoni.

Pesalemo 78:12

I mua olatou tamana na fai e ia ni nea fakatalatupua I le fenua o Esipito, i toafa o Tesoane.

Esaia 19:11

Ko ni kau vale a aliki o Tesoane, Ti ko le fakakaukau a le kau poto a Falaone kua liliu ko se fakakaukau valea. Pe feaki lakoutou toa o pati kia Falaone : Ko le vosa au o le kau poto, ko le vosa au o sau mago ?

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Selemia 43:7

Na lotou ano loa ki le fenua o Esipito, talie na leaise lotou fakalogo ki le leo o le Eteleno, ti na lotou kaku loa ki Takepanese.

Selemia 49:14

Na kau maua mei le Eteleno se logo, Ti na kakau se tagata avelogo ki atu puleaga : Kotou fakatasi mai, ti kotou saele kiate ia ! Kotou tutuu ki aluga ki le tau !

Esekiele 30:14

E kau maumaui loa Patolosi, E kau tutu loa ki le afi Tesoane, Ti e kau fai loa aku fakamaau ki No.

Esekiele 30:18

E fakapouli loa le aso i Takepanese, Mo ka kau fatii loa i ai le laakau a Esipito, Ti mo ka kau fakagato loa i ai le fia nealasi o lona makeke ; E uufi loa e se ao Takepanese, Ti e ano loa ona taineliki ki le popula.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Apetiasi 1:1

Folafola kikite a Apetiasi. Ko leinei le folafola a le Aliki, le Eteleno, ki Etome : Na motou maua se logo mei le Eteleno, Ti na kakau se tagata avelogo ki atu puleaga : Kotou tutuu ki aluga, ke tou saele ki Etome o taui a ia !

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.