Esaia 30:32 - Tosi Tapu

³² I fa ta fuli a le laakau leia na teuteu kiate ia, Ti e fakavilo loa e le Eteleno kiate ia, E logo loa ki tapulini mo alepe ; E tau loa le Eteleno kiate ia i se lima makeke.

Esaia 30:32 ပူးပေါင်းရင်းမြစ်များ

Senesi 31:27

Kolea na ke sola fakafufu ai, ti na ke kakai ai au ? Kolea na leaise ke fakasa mai ai kiate au ? Na kau tuku loa a koe ke ke ano i loto malie o ni fakafiafia mo ni sua, i le musika o le fa nafa mo le alepe ?

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Sopo 16:12

Na kau fimalie, kae na lui e ia au ; Na fafa a ia ki loku ua, o fatii au ; Na fai fana a ia kiate au.

Esaia 10:24

Kae ko leinei le folafola a le Aliki, le Eteleno o kau tau : Ei loku kakai, leia e nofo i Sione, Aua na ke i ki le tagata Asilia ! E taai e ia a koe ki le laakau, Ti e siki e ia lana tokotoko kiate koe, ofaipe le nea leia na fai e le kau Esipito.

Esaia 10:26

E siki loa e le Eteleno o kau tau le suipi kiate ia, Ofaipe lana taai Matiane i le utu o Olepe ; Ti, ofaipe lana siki lana tokotoko ki le tai, E toe siki loa e ia a ia, ofaipe lana fai i Esipito.

Esaia 11:15

E fakamalo loa e le Eteleno le alelo o le tai o Esipito, Ti e siki loa e ia lona lima ki le vaitafe o Eufalate, o pupusi fakamakeke ki ai : E vaei loa e ia a ia i ni magai vai e fitu, Ti e fakalaka loa i ai i ni taka.

Esaia 19:16

I le aso lena, e fai loa Esipito pe ni fafine : E lulu loa a ia i lona i, Mo ka tio a ia ki le taugaoi o le lima o le Eteleno o kau tau, Mo ka siki loa e ia a ia kiate ia.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 24:1

Ko leinei, kua maumaui e le Eteleno le fenua, o fakaliliu a ia ko se toafa ; Kua fakamaveuveu e ia le malama nei, ti kua fakamavetevete e ia lona kakai.

Esaia 24:8

Kua gato le fiafia o nafa, Kua oki le fiafia logoa, Kua gato le fiafia o le alepe.

Esaia 30:29

E kotou sua loa ofaipe le po leia e fai ai se lafeti, E fiafia loa okoutou loto ofaipe leia e saele kae ta ukalele, O ano ki le mauga o le Eteleno, ki le utu o Iselaele.

Esaia 31:4

Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Selemia 31:4

E kau toe laga loa a koe, ti e toe laga loa a koe, Taine taupoou o Iselaele ! E ke toe too loa au nafa, Ti e ke toe ano loa i loto malie o ni mako fakafiafia.

Esekiele 28:13

Na ke nofo i Eteni, i le oloto o le Atua ; Na kofu a koe ki fatu mauiga fuli, Ki le saletuane, mo le topasi, mo le taimane, Ki le kilisolite, mo le onise, mo le sasepe, Ki le safile, mo le kelenate, mo le emelote ti mo le aulo : I le aso leia na fakatupu ai a koe, Na ke teu ki ni nea fakateuteu mauiga.

Esekiele 32:10

E kau taai loa ki le ofolele lasi ni kakai mauke o tupu ko koe, Ti e lulu loa olatou sau i le i o tupu ko koe, Mo ka kau siki loa laku seleta i olatou mua ; E lotou lulu loa le tagata taki tasi o tupu ko lona mauli, I le aso o lou vilo.

Epelo 12:26

a ia leia na lui ia loa le malama nei ki lona leo i mua, kae kua fai ia kia tatou i le temi nei le fakapapau leinei : i se tasi faiaga e kau lui ai loa o leaise gato fua i le malama nei, kae mo le lagi foki.

Uluaki tosi a Samuele 10:5

I le oki a ia, ti e ke kaku loa ki Kipea-Eloimi, leia e tuu ai le fale solia o le kau Filisitini. I lau ulu ki le kolo, e ke felavei loa mo se kau polofeta leia e ifo mai mei le ganea tapu, ti e muamua ia latou ni tagata fai musika mo alatou alepe, mo alatou nafa, mo alatou kofe pupusi, mo alatou ukalele ; ti e masau kikite le kau polofeta.

Uluaki tosi a Samuele 18:6

Na soko foki i le toe liliu mai a le solia, i le oki o le tamate e Tavite o le Filisitini, na nake loa a fafine i kolo fuli o Iselaele ki mua o le sau ko Saulo, o sua mo mako, ki le tagi o ni nafa mo ni pa, mo ni kalaga fakafiafia.