Esaia 30:30 - Tosi Tapu

³⁰ Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 30:30 ပူးပေါင်းရင်းမြစ်များ

Sopo 38:22

Pe kua ke ano o kaku ki le ganea leia e tanaki ai le nive ? Pe kua ke tio ki le tanakiaga o fuai aisi,

Sopo 38:23

Ala e kau taofi ki le temi o le mamae, Ki aso o tau mo velo ?

Sopo 40:9

Ti e kau fakavikiviki loa Ki le makeke o lou lima atamai.

Pesalemo 2:5

Ti e folafola a ia kia latou i lona ita, Ti e fakamamae e ia latou i lona sausau lasi :

Pesalemo 46:6

E agai le Atua i loto malie o le kolo : e leaise galulu loa a ia ; E tokoi le Atua kiate ia talu mei le mafoata.

Pesalemo 98:1

Pesalemo. Kotou sua ki le Eteleno se katiko foou ! Talie na fai e ia ni nea lalasi, Na tokoi kiate ia lona lima atamai mo lona lima maokioki.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Ekesote 9:23

Na siki loa e Moisese lona tokotoko ki le lagi, ti na tuku loa e le Eteleno ni mana mo se ua fatu ; ti na taka loa le afi i aluga o le fenua. Na fakato loa e le Eteleno se ua fatu ki le fenua o Esipito.

Ekesote 9:24

Na to loa se ua fatu, ti na filo loa le afi mo le ua fatu ; na kese ai le makeke o le ua fatu lena, na leikiai sona fakatatau i le fenua katoa o Esipito, talu mei lona tuu ko se puleaga.

Esaia 10:16

Koia e kakau loa e le Aliki, e le Aliki o kau tau, Le fakalaulautetea ki ana kau solia makeke ; Ti e malaga loa se vela lasi i le lolotoga o lona kololia, Io, se vela o tatau mo leia o le afi.

Esaia 10:26

E siki loa e le Eteleno o kau tau le suipi kiate ia, Ofaipe lana taai Matiane i le utu o Olepe ; Ti, ofaipe lana siki lana tokotoko ki le tai, E toe siki loa e ia a ia, ofaipe lana fai i Esipito.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 28:2

Ko leinei se tagata lasi mo makeke e au mei le Aliki, Ofaipe se ua fatu, se sasataki maumau, Ofaipe se afa leia e fakatupu ia ni tafe makeke : E fakato e ia a ia ki le kele i le makeke katoa.

Esaia 29:6

E gaoi loa le Eteleno o kau tau kiate koe i le gugulu o le mana, mo le mafuike, mo se logoa fakaii, Mo le sasataki ti mo le afa, Ti mo le ula o se afi veli.

Esaia 30:29

E kotou sua loa ofaipe le po leia e fai ai se lafeti, E fiafia loa okoutou loto ofaipe leia e saele kae ta ukalele, O ano ki le mauga o le Eteleno, ki le utu o Iselaele.

Esaia 30:31

I le logo ki le leo o le Eteleno, e lulu loa le tagata Asilia ; E taai loa a ia e le Eteleno ki lana laakau.

Esaia 31:4

Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Esaia 32:19

Kae e taotao loa le vaomatua e le ua fatu, Ti e tuku loa le kolo ke taulalo.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 4:6

E liliu loa le kololia o le Eteleno ko se fakamalumaluaga i le vevela o le ao, Ti ko se mumuniaga mo se maloloaga i le afa mo le ua.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Selemia 25:32

Koia e folafola ai le Eteleno o kau tau, o pati : Ko leinei, kua sosolo le malaia i atu puleaga, Ti kua malaga se afa lasi i potupotu o le malama nei.

Esekiele 10:5

Ti na logo loa o kaku ki le lotoa i fafo le patu o kapakau o selupino, ofaipe le leo o le Atua mafimafi mo ka folafola.

Esekiele 13:13

Koia e folafola ai le Aliki, le Eteleno, o pati : I loku sausau e kau fakato ia loa le afa ; E au fakafokifa loa se ua makeke i loku sausau ; Ti e to loa se ua fatu i le makeke katoa o maumaui le paa.

Soele 2:5

I le logo kia latou, e faipe se logoa o ni saliote tau I le tumutumu o ni mauga ala e lotou soposopo ai, E faipe se mafitifiti o le ulai afi, Mo ka tutu e ia se mutie malo. E faipe se kau tau makeke Leia e teuteu ki le tau.

Amosi 1:14

E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Mateo 24:7

E tau loa se kakai ki se tasi kakai, ti e tau loa se puleaga ki se tasi puleaga ; ti e i ai loa, i ganea kesekese, ni oge mo ni mafuike.

Luka 1:51

Na fakasa e ia le makeke o lona lima ; Na veteki e ia latou ala na nonofo mo ni manatu fia nealasi i olatou loto.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Sosue 10:10

Na veuki loa latou e le Eteleno i mua o fanau a Iselaele ; ti na tamate loa e Iselaele le kau Amole o lava veli ai i mua o Kapaone, ti na tuli loa e ia latou i le ala leia e pale ki Pete-Oloni, ti na tamate loa e ia latou o kaku ki Aseka mo Maketa.

Sosue 10:11

I le temi na lotou sosola ai i mua o fanau a Iselaele, ti na lotou ifo ai ki Pete-Oloni, na fakato loa e le Eteleno mei le lagi se ua fatu fualalasi kia latou o kaku ki Aseka, ti na lotou mamate ai loa. Na lasi ake latou ala na mamate i le ua fatu ia latou ala na tamate ki le seleta e fanau a Iselaele.

Apokalipisi 1:15

ko ona vae na faipe le sila kaka, o sakinake na tutu a ia i se gutuumu ; ti ko lona leo na faipe le gugulu o vai lalasi.

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Uluaki tosi a Samuele 7:10

I le lolotoga momoli e Samuele o le failaulau, na fakafeofi ake loa le kau Filisitini ke taui a Iselaele. Na fakagugulu loa e le Eteleno i le aso lena lana mana ki le kau Filisitini, ti na veuki loa e ia latou. Na lotou lava loa i mua o Iselaele.