Esaia 30:2 - Tosi Tapu

² Ala e ifo ki Esipito kae na leaise afa mai kiate au, O afa se makeke i tafa o Falaone, O afa se mumuniaga i le malu o Esipito !

Esaia 30:2 ပူးပေါင်းရင်းမြစ်များ

Uluaki tosi o Sau 22:7

Kae na pati loa Sosafate : Pe leaise koi toe i leinei se tasi ake polofeta a le Eteleno, leia ke tou afa ki ai ?

Lua tosi o Sau 17:4

Kae na iloa loa e le sau o Asilia se agatuu kiate ia i le fale o Ose, ti na kakau loa e ia ni tagata avelogo ki le sau o Esipito ko So, leia na leaise koi soli ia le tukusau i le fetuu ki le sau o Asilia. Na sai loa e le sau o Asilia a Ose ki ni tini, o tuku ki le pilisoni.

Lua tosi o Sau 18:21

Ko leinei, na ke tuku lau fanaki ki Esipito, na ke too ke tokoi atu kiate koe le fa u fati lena, leia e puui ia le lima o se tasi fua e fanaki ki ai : Ko le anoaga lena o Falaone, sau o Esipito, kia latou fuli ala e fanaki kiate ia.

Esaia 16:3

Tuku mai kia matou se tokoi ; Fai se puleaki ; malui matou i le lalatea ki lou malu ofaipe le pouli ; Fufu latou ala na kapu saele, Aua na ke fakasa leia e sola !

Esaia 18:1

A koe, ko le fenua leia e fetati ai a masafu, I leia atu fetuu o vaitafe o Etiopia !

Esaia 36:6

Ko leinei, na ke tuku lau fanaki ki Esipito, na ke too ia le fa u fati lena ke tokoi atu kiate koe, leia e puui ia le lima o leia e fanaki ki ai : Ko lena le anoaga o Falaone, sau o Esipito, kia latou fuli ala e fanaki kiate ia.

Esaia 36:9

Pe feaki loa ke ke kapu ia se pule e tasi i pule liliki o loku sau ? Pe ke tuku lau fanaki ki Esipito, ke maua mei ai ni saliote mo ni tagata ekeosi ?

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 2:18

Ti ko leinei, kolea le malie o lau ano ki Esipito, O inu le vai o le Nile ? Kolea le malie o lau ano ki Asilia, O inu le vai o le vaitafe ?

Selemia 21:2

Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 37:5

Na mavae loa le solia a Falaone mei Esipito ; ti na logo loa ki ai le kau Kaletea ala na takatakai ia Selusalemi, ti na lotou mavae loa mei Selusalemi.

Selemia 42:14

Ti kapau e kotou pati loa : E leaise motou nonofo loa i le fenua leinei, kae motou ano loa ki le fenua o Esipito, leia e leaise motou tio ai loa ki se tau, leia e leaise motou logo ai loa ki le pupusi o le fakatagi pupusi, leia e motou maua tuumau ai loa le pane, ti ko le ganea lena e motou nonofo ai loa,

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Selemia 42:20

E kotou kakaai a koutou totonu, talie na kotou kakau au ki le Eteleno, lokoutou Atua, o pati : Faikole ki le Eteleno, lomatou Atua, o uiga mo matou ; fakasa mai kia matou a nea fuli ala e pati loa ki ai le Eteleno, lomatou Atua, ti e motou fai loa latou.

Selemia 43:7

Na lotou ano loa ki le fenua o Esipito, talie na leaise lotou fakalogo ki le leo o le Eteleno, ti na lotou kaku loa ki Takepanese.

Tagi laulau a Selemia 4:20

Ko leia na fakalogo ki ai lamatou tukumanava, le filifiliia a le Eteleno, Na vilo ki olatou popoko, A ia leia na motou pati ki ai, E motou mauli loa i lona malu i atu puleaga.

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Oseo 8:10

Logo ai na lotou fai ni nea alofa ki atu puleaga, I le temi nei e kau fakatasi latou, Ti kua vave fua le temi leia e lotou mamae ai loa i le kavega a le sau o aliki.

Oseo 8:9

O tupu na lotou ano ki Asilia, Ofaipe se asino vao leia e tuu toka tasi ; Na fai e Efalaimi ni nea alofa ke maua ai ni ona kaukau nea.

Numelo 27:21

E tuu loa a ia i mua o le tagata faisakilifisio ko Eleasale, leia e afa ia loa kiate ia le fakamaau a le Ulimi. Ti ko Sosue, mo fanau fuli o Iselaele mo ia, ti mo le fakatasi katoa, e mavae loa i le fakatotonu a Eleasale ti e ulu loa i lana fakatotonu.

Tetelonome 28:68

Ti e toe aumai loa a koe e le Eteleno i ni vaka ki Esipito, ti e ke toe fai ia loa le ala leia na kau pati atu kiate koe : ke aua na ke toe tio loa ki ai ! I lena, ko tagata mo fafine, e kotou fakatau loa koutou totonu ki okoutou fili ke popula, ti e leaise maua loa se tasi leia e fia totogi ia loa koutou.

Sosue 9:14

Na too loa e tagata o Iselaele se koga o lalatou nea kai o kai, kae na galo loa ke lotou afa le finegalo o le Eteleno.

Tuifakamaau 9:15

Ti na tali loa le laakau talatala ki laakau fuli : Kapau e kotou loto maoki loa ke kotou fakanofo au ke sau kia koutou, ti kotou au nei o fakamalumalu i oku lalo ; kapau e leai, ti e natu loa se afi i le laakau talatala o tutu loa a sete o Lipane.