Esaia 30:17 - Tosi Tapu

¹⁷ E sola loa se tino afe i le fakaii a se fa toka tasi, Ti e kotou fesolaki loa i le fakaii a se toka lima, O kaku ki lokotou nonofo taki toka tasi Ofaipe se fakamailoga i le tumutumu o le mauga, Ofaipe se manumanu i le tumutumu o le mauga ikiiki.

Esaia 30:17 ပူးပေါင်းရင်းမြစ်များ

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Selemia 37:10

Ti kapau foki e kotou tamate loa le solia katoa a le kau Kaletea leia e tau kia koutou, ti kapau foki e toe loa ia latou ni kau lavelavea ata, e lotou toe tutuu ake loa o taki toka tasi mei lona falela, ti e lotou tutu loa le kolo leinei ki le afi.

Tagi laulau a Selemia 4:19

Na gasolo ake omatou kau fakaveliveli I akuila o le lagi ; Na lotou tilii matou i mauga, Na lotou fakatuu ni masele i le toafa kia matou.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Levitiko 26:8

E kapu loa e se toka lima o koutou le tino lelau o le fili, ti e kapu loa e le tino lelau o koutou a tino afe e tino agafulu, ti e mamate loa okoutou fili i le seleta i okoutou mua.

Amosi 2:14

Ko leia e mauvave e leaise mafai loa ke sola, Ko leia e makeke e leaise mafai loa ke fakaaoga ia lona makeke, Ti e leaise saofaki loa e le tagata toa lona mauli ;

Sofoni 3:12

E kau tuku loa i loto malie o ou se kakai agamalu mo mativa, Leia e maua loa lona mumuniaga i le suafa o le Eteleno.

Loma 11:17

Kae kapau na tuuti ni iki o laa, ti kapau ko koe, leia na olive vao, kua fakapipiki a koe ki lolatou pikiaga, ti kapau kua ke kau ki le aka leia e fagai ia le oliveto,

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?

Sosue 23:10

Na kapu e le fa toka tasi o koutou ni fili e tino afe, talie na tau loa le Eteleno, lokoutou Atua o tupu ko koutou, o fai ki lana folafola.