Esaia 30:12 - Tosi Tapu

¹² Koia e folafola ai le Sagato o Iselaele, o pati : O tupu kua kotou tiaki le folafola lena, Ti kua kotou fanaki ki le agamakeke mo puleaki kaka, Ti kua kotou tuku kia latou lakoutou tui,

Esaia 30:12 ပူးပေါင်းရင်းမြစ်များ

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 24:2

Talie e fakakaukau olatou loto ki le maumau, Ti e masau olatou laugutu ki le veli.

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 3:14

Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 3:15

E folafola le Aliki, le Eteleno o kau tau : Ko ai na pati ke kotou takatakafi loku kakai, Ti ke kotou fakavelivelii ia le kau mativa ?

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 30:7

Talie e noa ti e lee aoga le tokoi a Esipito ; Koia e kau fakaigoa ai le nea lena ko se logoa noa.

Esaia 47:10

Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Esaia 8:6

O tupu na tiaki e le kakai leinei a vai o Siloe ala e tafe mamalie, Kae na lotou fiafia ia Letisini mo le vosa o Lemalia,

Selemia 13:25

Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.