Esaia 30:10 - Tosi Tapu

¹⁰ Ala e pati ki le kau faikikite : Aua na kotou tio ! Ti ki le kau polofeta : Aua na kotou fakasa mai kia matou ni maoki, Kae koutou fakasa mai kia matou ni nea logologo malie, Kotou kikite ni nea noa !

Esaia 30:10 ပူးပေါင်းရင်းမြစ်များ

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 22:27

E ke pati loa : Ko leinei le masau a le sau : Kotou velo le tagata leinei ki le pilisoni, ti kotou fagai loa a ia ki le pane mo le vai o le mamae, o kaku ki laku toe liliu mai i le tokamalie.

Lua tosi o Koloniko 16:10

Na ita veli loa Asa ki le polofeta, ti na tuku loa e ia a ia ki le pilisoni, o tupu ko lona vesia ki folafola ana. Ti na fakavelivelii loa e Asa i le temi lena ni iki o le kakai.

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Sopo 41:3

E kau toe fia masau ki ona koga tino, Mo lona makeke, mo le fulumalie o lona fau.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 5:20

Malaia kia latou ala e fakaigoa ia le veli ko le malie, ti mo le malie ko le veli, Ala e fetogi ia le fakapouli ko le malama, ti mo le malama ko le fakapouli, Ala e fetogi ia le kona ko le suamalie, ti mo le suamalie ko le kona !

Selemia 11:21

Koia e folafola ai le Eteleno ki le kakai o Anatote, Ala e loto ki lou mauli, ti e pati : Aua na ke kikite i le suafa o le Eteleno, Pe ke mate loa i lomatou lima !

Selemia 23:17

E lotou pati kia latou ala e vesia kiate au : Na pati le Eteleno : E kotou maua loa le tokamalie ; Ti e lotou pati kia latou fuli ala e saele o mulimuli ki oli o olatou loto : E leaise soko loa se veli kia koutou.

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 29:27

Ti kolea na leaise ke valoki ai Selemia mei Anatote, leia e kikite ia koutou,

Selemia 36:29

Ti e ke fakasa loa le nea leinei o uiga mo Sosakimi, sau o Suta : E folafola le Eteleno, o pati : Na ke tutu le tosi lena, o pati : Kolea na ke tosi ai a folafola anei : E au loa le sau o Papilone, o maumaui le fenua leinei, ti e tamate loa e ia a tagata mo manu ?

Selemia 38:4

Ti na pati loa le kau pule ki le sau : E tonu ke tamate le tagata leinei ! O tupu e fakalotogaegae e ia a tagata tau ala koi toe i le kolo leinei, mo le kakai katoa, i lana fai kia latou a tau masau ana ; e leaise afa e le tagata leinei le malie o le kakai, kae e loto a ia ki lona malaia.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Amosi 2:12

Kae na kotou fakainu le vino ki le kau nasilea ! Ti na kotou tuku ki le kau polofeta le fakatotonu leinei : Aua na kotou faikikite !

Amosi 7:13

Kae aua na ke toe soko atu lau faikikite i Petele, talie ko le fale tapu o le sau, ti ko se fale fakasau.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Soane 8:45

Ti ko au, talie e kau fakasa le maoki, e leaise kotou tui mai kiate au.

Gaoi 4:17

Kae, o tupu ke aua na toe mafola le nea leinei i le kakai, tou tapui fakamakeke kia laua le toe masau ki se tasi ki le igoa lena.

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Kalate 4:16

Pe kua kau liliu ko lokoutou fili i laku fakasa atu kia koutou le maoki ?

Lua tosi kia Timoteo 4:3

Talie e soko mai loa se temi leia e leaise koi kataki loa e tagata le akonaki totonu ; kae, i lalatou maua le mageo ke logo ki ni nea malilie, e lotou fakatupu loa ni kau fai akonaki toka api o fakatatau ki olatou oli.

Lua tosi kia Timoteo 4:4

Ti e lotou fakamaliu loa olatou taliga mei le maoki, ti e lotou mafuli loa ki fanaga.

Apokalipisi 11:7

Ka oki loa lala fakamaoki, e tau loa kia laua le manu leia e pale mei le vanu, ti e malo loa a ia ia laua, ti e tamate loa e ia laua.

Uluaki tosi a Samuele 9:9

I le temi mua i Iselaele, ka ano o afa ki le Atua, na pati loa : Kotou au, ke tou ano ki le tagata kikite ! Talie ko leia e igoa i le temi leinei ko le polofeta, na igoa a ia i le temi mua ko le tagata kikite.