Esaia 30:1 - Tosi Tapu

¹ E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 30:1 ပူးပေါင်းရင်းမြစ်များ

Lua tosi o Sau 18:21

Ko leinei, na ke tuku lau fanaki ki Esipito, na ke too ke tokoi atu kiate koe le fa u fati lena, leia e puui ia le lima o se tasi fua e fanaki ki ai : Ko le anoaga lena o Falaone, sau o Esipito, kia latou fuli ala e fanaki kiate ia.

Lua tosi o Sau 18:24

E fefeaki loa lau fakafoki se pule fua e tasi i tagata fakasausau a loku pule ? E ke fanaki ki Esipito ki saliote mo kau tagata ekeosi.

Pesalemo 61:4

Talie e ke fai kiate au pe se mumuniaga, Se tule makeke, i mua o le fili.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 28:20

Talie e fai loa pe le pati a le taagapati : E toetoe le palepale ke moe ai, Ti e lau ikiiki le kie kafu ke kafu ai.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Esaia 30:9

Talie ko se kakai agatuu, Ko ni fanau gutu loiloi, Ko ni fanau ala e leaise fia logo ki le lao a le Eteleno,

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 4:5

E fakanofo loa e le Eteleno, i le kele katoa o le mauga o Sione Ti mo ona ganea fakatasi fuli, se ao afu i le ao, Ti mo se afi ulaula gigila i le pouli ; Talie e ufiufi loa e le kololia o le Eteleno a nea fuli.

Esaia 5:18

Malaia kia latou ala e toso ia le agaveli ki maea o le aga fakalialia, Ti mo le agasala ki maea o le kaka,

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Esaia 65:2

Na kau falo oku lima i aso fuli ki se kakai agatuu, Leia e saele i se ala veli, o mulimuli ata ki ana manatu ;

Esaia 8:11

Ko leinei le folafola a le Eteleno kiate au, i le aso leia na too ai lona lima kiate au, Ti na fakasa fakatomua mai e ia kiate au ke aua na kau saele i le ala o le kakai leinei :

Esaia 8:12

Aua na kotou fakaigoa ko le tau a nea fuli ala e fakaigoa e le kakai leinei ko le tau ; Aua na kotou i ki le nea leia e lotou i ki ai, ti aua na kotou lulu.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 17:5

Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Selemia 2:18

Ti ko leinei, kolea le malie o lau ano ki Esipito, O inu le vai o le Nile ? Kolea le malie o lau ano ki Asilia, O inu le vai o le vaitafe ?

Selemia 37:7

E folafola le Eteleno, le Atua o Iselaele, o pati : E kotou pati loa ki le sau o Suta leia na kakau ia mai koutou ke au o afa loku finegalo : Ko le solia leia a Falaone na au ke saofaki koutou, kua toe liliu ki lona fenua i Esipito ;

Selemia 4:17

E lotou takatakai Selusalemi ofaipe latou ala e taupau ia se faisaga, O tupu na agatuu a ia kiate au, e pati le Eteleno.

Selemia 42:19

Toetoega o Suta, e pati atu le Eteleno kia koutou : Aua na kotou ano ki Esipito ! Ke kotou iloa e kau tapui kia koutou le nea lena i le aso nei.

Selemia 5:23

E maua e le kakai leinei se loto patigataa mo agatuu ; E lotou agatuu, ti e lotou ano.

Esekiele 11:2

Ti na pati mai loa le Eteleno kiate au : Vosa o le tagata, ko ni tagata latou e fakakaukau ki le veli, ti e lotou tuku ia ni tokoi veveli i le kolo leinei.

Esekiele 2:3

Na pati mai loa a ia kiate au : Vosa o le tagata, e kau kakau a koe ki fanau o Iselaele, ki kakai fakatutuu ana, ala na agatuu kiate au ; kua lotou agasala kiate au, latou mo olatou tamana, o kaku mai ki le aso leinei e tou nofo ai.

Esekiele 24:3

Ke tuku se folafola fakatata ki le famili o le kau agatuu, o ke pati kia latou : E folafola le Aliki, le Eteleno, o pati : Fakatuu, fakatuu le fa kulo, ti liligi se vai ki loto.

Esekiele 29:16

E leaise toe liliu loa le puleaga lena ko se fanakiaga ki le fale o Iselaele ; E fakamanatu loa e ia ki Iselaele lana agasala, i le aso leia na tuku ai lana fanaki kiate ia. Ti e lotou iloa loa ko au ko le Aliki, le Eteleno.

Esekiele 3:9

E kau fakaliliu loa lou lae ofaipe se fa taimane, ke fefeka ake i le makasinu. Aua na ke i kia latou, logo ai ko se famili latou o ni kakai agatuu.

Oseo 11:6

E oso loa le seleta ki olatou kolo, E tamate loa a ia, e kai e ia olatou fanakiaga, O tupu ko fakatuutuu ala na lotou fai.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 7:13

Malaia kia latou, talie e lotou sosola iate au ! Maumau kia latou, o tupu kua lotou agatuu kiate au ! E kau loto loa ke fakamauli latou, Kae e lotou fai kiate au ni masau loi.

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Numelo 32:14

Ti ko leinei, e kotou toe fetogi ia okoutou tamana ofaipe ni uli o tagata agasala, ke asilisili veli ai le sausau o le Eteleno ki Iselaele.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Tetelonome 29:19

Ke aua na i ai loa se tasi, leia e oki loa lana logo ki folafola o le sai leinei, ti e fia nealasi loa lona loto, o pati : E kau maua loa le tokamalie, logo ai e kau mulimuli loa ki olioli o loku loto, ti e kau fakalasi loa le fia inu ki le kona.

Tetelonome 9:24

E talu laku iloa koutou, mo lakotou fakatutuu tuumau ki le Eteleno.

Tetelonome 9:7

Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Sosue 9:14

Na too loa e tagata o Iselaele se koga o lalatou nea kai o kai, kae na galo loa ke lotou afa le finegalo o le Eteleno.