Esaia 3:9 - Tosi Tapu

⁹ E fakamaoki olatou mata kia latou, Ti e lotou fakasa fakalauatea alatou agasala ofaipe Sotoma. Malaia ki olatou laumalie ! Talie e lotou teuteu le malaia kia latou totonu.

Esaia 3:9 ပူးပေါင်းရင်းမြစ်များ

Senesi 13:13

Na agaveli le kakai o Sotoma, mo agasala lasi ki le Eteleno.

Senesi 19:34

I leia ake a aso, na pati loa le uluaki ki le muli : Ko leinei na kau momoe mo lota tamana i le po kua sili ; ke ta toe fakainu se vino kiate ia i le po leinei, ti ke ano loa a koe o momoe mo ia, o tupu ke maua se sakoga ki lota tamana.

Senesi 4:5

Kae na leaise tali loa e ia a Kaino mo lana failaulau. Na ita loa Kaino, ti na mata mamae loa a ia.

Lua tosi o Sau 9:30

Na ulu loa a Seu ki Siseleele. I le logo loa a Sesapele ki le nea lena, na pena loa e ia ona mata mo teuteui loa e ia lona fa ulu, ti na tuu loa a ia o tio mei le katupa.

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Taagapati 15:32

Ko leia e tiaki ia le akonaki e vesia ki lona laumalie, Kae ko leia e fakalogo ki le akonaki e maua ia le atamai.

Taagapati 30:13

E i ai se tau tagata leia e apele ona mata i le vesia, Ti e tio fakaveli ki tagata fuli.

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Esaia 1:10

Pule o Sotoma, kotou fakalogo mai ki le folafola a le Eteleno ! Kakai o Komola, fakalogo mai lou taliga ki le lao o lomatou Atua !

Esaia 3:16

E folafola le Eteleno : O tupu e fia nealasi a taineliki o Sione, Ti e lotou saele o fakatuu sako olotou ulu, Talie e lotou mata mamalu, Ti e lotou ano soposopo ke fakatatagi ai a matemate o olatou vae,

Esaia 57:20

Kae fai loa le kau agaveli pe le moana veli, Leia e leaise feala ke malie, Ti e lagai e ona vai ki aluga le takele mo le limu.

Esaia 59:12

Talie e lasi ai amatou patigataa i ou mua, Ti e fakamaoki amatou agasala kia matou ; E pipiki amatou agatuu kia matou, Ti e motou iloa amatou agaveli.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Tagi laulau a Selemia 5:16

Kua vilo le pala o lomatou ulu ! Malaia kia matou, talie kua motou agasala !

Esekiele 16:30

Oiau ! Ki le lasi o le gaegae o lou loto, e pati le Aliki, le Eteleno, i lau aga o fai a nea fuli ana, ala ko le gaoi a se fafine pule i le faiaga.

Esekiele 16:49

Ko leinei le agasala a Sotoma, lou ga taina : Na fia nealasi a ia, ti na mauli a ia i le koloa, ti na leaise tuania ia e ia se nea, a ia mo ona taineliki ; ti na leaise tokoi a ia ki le kau mativa mo le kau fakaaloalofa.

Esekiele 23:16

Na oli makeke loa a ia kia latou, i lana uluaki tio fai kia latou, Ti na kakau loa e ia ni tagata avelogo kia latou i Kaletea.

Taniela 7:20

ti mo le maoki o uiga mo tala e kau agafulu ala na tuu i lona fa ulu, ti mo le ga tala ikiiki leia na somo ake ti maluluku ai a tala e tolu i ona mua, le tala leia na maua ia ni mata mo se gutu leia na masau matasoka ti na mata mauiga ake i la.

Oseo 13:9

Ko le nea leia e tupu ai lou maumau, Iselaele, Ko lau agatuu kiate au, ki leia na feala ke saofaki ia a koe.

Oseo 5:5

Ko le fia nealasi o Iselaele e fakamaoki kiate ia ; Ko Iselaele mo Efalaimi e vivilo loa i ala agasala totonu ; Ti ko Suta e vilo loa mo laua.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Apokalipisi 11:8

Ti e tuku loa ola tino i le malae o le kolo lasi, leia e igoa fakatata ko Sotoma mo Esipito, i le ganea leia na tutuki ai i le koluse lola Aliki.

Uluaki tosi a Samuele 15:32

Ti na pati loa Samuele : Aumai kiate au Akake, sau o Amaleke. Ti na nake loa a ia o mata fakafiafia ake kiate ia, talie na pati a ia : Kua kau sao maoki loa i le mate.