Esaia 3:26 - Tosi Tapu

²⁶ E fetagisi loa a matapa o Sione ti e lotou mamae loa ; Ti e tonatona telefua loa Sione i le kele.

Esaia 3:26 ပူးပေါင်းရင်းမြစ်များ

Sopo 2:13

Ti na lotou nonofo loa ki le kele mo Sopo i aso e fitu mo po e fitu, kae na leaise fakamavaa fua olatou gutu, talie na lotou tio kua lasi ai lona mamae.

Sopo 2:8

Ti na too loa e Sopo se kiva o vaku ki ai lona tino, ti na tonatona loa a ia i le mugalafu.

Esaia 14:31

Matapa, ke ke tagi ! Kolo, ke ke lauga ! Fenua katoa o le kau Filisitini, ke ke lulu ! Talie kua ifo mai se afu mei le potu noleto, Ti kua kopikopi fua a atu tau o le fili.

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 33:9

Kua nofo le fenua i le putu, i le loto mamae ; Kua luma Lipane, ti kua gaegae ; Kua fai le Saloni pe se toafa ; Kua lu e le Pasani mo le Kalemelo a lau o ola laakau.

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 14:2

Kua putu a Suta, Kua maumau ona kolo, Kua mata mamae a ia, Kua tonatona a ia ki le kele, Kua pale a tagi a Selusalemi o kaku ki le lagi.

Selemia 15:8

Kua lasi ake ona lokonui i fiti o le one o le tai ; E kau aumai kia latou, ki le tinana o le tagata tupulaga, Le tagata maumau i le lalatea totonu ; E kau fakavilo fakafokifa kiate ia le i mo le lulu.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 1:4

Kua tagi a ala fuli o Sione, talie e leaise koi ano ki aso lalasi ; Kua lavaki ona matapa fuli, Kua lauga ona tagata faisakilifisio, Kua loto gaegae ona taine taupoou, Ti kua apele i le mamae kona.

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Tagi laulau a Selemia 2:8

Na fakapapau le Eteleno ke maumaui a paa o le taine o Sione ; Na fao e ia le afo, ti na leaise too e ia lona lima kae e leikiaise tamatamate fuli latou ; Na tuku e ia ki le mamae a paa mo kaua, Ala na maumau.

Esekiele 12:20

E maumau loa a kolo ala na apiapi, Ti e liliu loa le fenua ko se toafa. Ti e kotou iloa loa ko au ko le Eteleno.

Esekiele 26:16

E ifo loa a aliki fuli o le tai i olatou ekeekeaga fakasau, E lotou tatala loa olatou taupulupulu, Ti e lotou tuku loa olatou kofu fakamailoga ; Kae lotou kofu loa ki le i, ti e lotou tonatona loa ki le kele ; E lotou lulu loa i temi fuli, Ti e lotou ofolele lasi loa o tupu ko koe.

Mikea 1:9

Talie e mamae lona lavea, E mafola a ia o kaku ki Suta, E ulu a ia o kaku ki le matapa o loku kakai, O kaku ki Selusalemi.

Mateo 11:17

o pati : Na motou pupusi atu kia koutou le fakatagi, ti na leaise kotou mako ; na motou sua atu ni laumate, ti na leaise kotou tagilaulau.

Luka 19:44

Ti e lotou maumaui katoa loa a koe, io, a koe mo lou kakai ; ti e leaise lotou tuku loa se fatu i aluga o se tasi a fatu, o tupu na leaise ke iloa le aso leia na fakatele ai kiate koe.