Esaia 3:24 - Tosi Tapu

²⁴ E fetogi loa le kaloni ki le namuku ; Ti e fetogi loa le kilipipi ki le maea ; E fetogi loa a lauulu ki ulu tula ; E fetogi loa le taupulupulu lasi ki se taga ikiiki ; Ti e liliu loa a mata fulumalie ko ni mata fefe.

Esaia 3:24 ပူးပေါင်းရင်းမြစ်များ

Esitele 2:12

Na fakaoloolo a taineliki taki toka tasi o ulu ki le sau ko Asuelusi, i le oki o lana fai i masina e kau agafulu tupu lua a nea fuli ala na fakatotonu ki fafine ; i le temi lena, na lotou tokaga ki le teuteui o olatou tino, i masina e ono ki le lolo o le mila, mo masina e ono ki ni nea fakamanogi mo kaloni ala na fakaaoga masani e fafine.

Sopo 16:15

E leaise koi mavae le taga mei loku kili, Ti e punou tuumau loku lae ki le efu.

Taagapati 31:24

E fai e ia ni kofu, o fakatau, Ti e ave e ia ni kilii pipi ki le tagata faikoloa.

Taagapati 7:17

Na kau fakamanogi loku moeaga Ki le mila, mo le aloese, ti mo le sinamome.

Esaia 15:2

Kua pale le kakai o Tiponi ki le fale tapu mo ganea taualuga, o tagi i ai. Kua fai e Moape ni tagi vale ki Nepo mo Metepa : Kua tele a ulu fuli, ti kua koti a kaukava fuli.

Esaia 15:3

I ala, kua lotou kofu ni taga ; I aluga o fale mo nofoaga fakafenua, Kua lotou sua fuli ni tagi laulau.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Esaia 3:23

Mo tiloata tilotilo, ti mo kofu maninifi, Mo kie sai o ulu, ti mo kie sai o ua.

Esaia 4:4

I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Selemia 48:37

Talie kua tele a ulu fuli, Kua tuuti a kaukava fuli, Kua matafatafa a lima fuli, Ti kua sulu ni taga ki vakavaka fuli.

Selemia 49:3

Eseponi, tagi mamae, talie kua maumaui Ai ! Taineliki o Lapa, kotou fetagisi, kotou kofu ni taga, Kotou tagi laulau, ti kotou makape saele i paa o le kolo ! Talie e ano Malekome ki le popula, Mo ona kau pelepitelo, ti mo ona kau pule.

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Esekiele 27:31

E lotou tele loa olatou ulu o tupu ko koe, E lotou tui loa ni taga, Ti e lotou fetagisi loa kiate koe, O tupu ko le mamae o olatou loto Mo lolatou alofa lasi kiate koe.

Esekiele 7:18

Kua lotou tui ni taga, Ti kua kofu latou e le i ; Kua luma a mata fuli, Kua tele a ulu fuli.

Soele 1:8

Ke ke tagi laulau, ofaipe le taine taupoou leia e tui ia le taga, O tagi ki le alofaaga o lona temi tupulaga !

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Mikea 1:16

Kakai o Selusalemi, tele okoutou gutu, koti okoutou ulu, O tupu ko au fanau alofaina ! Tele okoutou ulu ofaipe le akuila, Talie kua lotou ano popula o mamao meia koutou !

Tetelonome 28:22

E tautea loa a koe e le Eteleno ki le fakalaulautetea, mo le fiva, mo le fufula, mo le vela, mo le masunu, mo le popo, ala e muli loa iate koe o kaku ki lou mate.

Tetelonome 32:24

E lotou fakalaulautetea loa i le oge, Ti e kai loa latou e le fiva mo tau masaki veli. Ti e kau kakau mai loa kia latou a manu fekai, mo gata uti kona.

Uluaki tosi a Petelo 3:3

Kotou maua, leai le teuga i tafa leia ko le fili o le lauulu, mo le tau o nea aulo, mo le tui o ni kofu gigila,

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.

Apokalipisi 16:9

Ti na tutu loa a tagata e se vevela lasi, ti na lotou lauveli loa ki le suafa o le Atua, leia e pule ki malaia ana, kae na leaise lotou fakasemala o fakakololia ki le Atua.

Apokalipisi 18:9

Ti ko sau fuli o le malama nei, ala na fai feauaki mo ia ti na mauli mo ia i le mou koloa lasi, e tagi loa mo lauga loa o tupu ko ia, mo ka lotou tio loa ki le afu o lona vela.