Esaia 3:18 - Tosi Tapu

¹⁸ I le aso lena, e too loa e le Aliki a matemate ala e teuteu ai olatou vae, Ti mo pine o olatou ulu, mo kasoa tiloata ;

Esaia 3:18 ပူးပေါင်းရင်းမြစ်များ

Esaia 3:17

E fakaliliu loa e le Eteleno ke tula a tumuaki o ulu o taineliki o Sione, Ti e fakasa loa e le Eteleno lolatou telefua.

Esaia 3:19

Mo sasau, mo matemate o lima, ti mo pulou ;

Esekiele 23:26

E lotou too loa ou kofu iate koe, Ti e lotou ave loa ou nea fakateuteu ala na ke teu ki ai.

Esekiele 23:40

Ti na la toe afa mai foki ni tagata mei mamao, Na la kakau ni tagata avelogo kia latou, ti ko leinei, na lotou au aifai. Kia latou, na ke fakamea, na ke pena ou mata, Na ke tui ou teu fulumalilie ;

Uluaki tosi a Petelo 3:3

Kotou maua, leai le teuga i tafa leia ko le fili o le lauulu, mo le tau o nea aulo, mo le tui o ni kofu gigila,

Tuifakamaau 8:21

Na pati loa Sepaki mo Salamuna kia Seteone : Ko koe totonu leia e tonu ke tuu mai loa o tamate maua, talie ko se tagata maoki leia e tonu ke fai ia loa le nea lena. Ti na tuu ake loa a Seteone ki aluga o tamate a Sepaki mo Salamuna. Ti na too loa e ia o ave ma ana a teu ala na tau i ua o ala kamelo.

Tuifakamaau 8:26

Ko le mamafa o mama aulo ala na kole e Seteone ko kilo e kau lua. Na toe maua foki e ia ni nea fakateuteu, mo ni sa sau, ti mo ni teu kula fulumalie ala na tui e sau o Matiane mo kasoa ala na teu ai a ua o la kamelo.