Esaia 3:14 - Tosi Tapu

¹⁴ Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 3:14 ပူးပေါင်းရင်းမြစ်များ

Sopo 22:4

Pe ko le i kiate koe leia e tautea ai e ia a koe, Leia e ave ai e ia a koe ki le fakamaau ?

Sopo 24:14

E tuu le tagata tukipo i le mafoata, O tamate le tagata mativa mo le tagata fakaaloalofa, Ti e kaia a ia i le pouli.

Sopo 24:9

E tosoi le toe sala tamana i le u o lona tinana. E too le taupulupulu o le tagata mativa kae fakagaoi a ia.

Sopo 34:23

E leaise aoga ki le Atua ke tuku logo ki le tagata mo ka kua loto a ia ke nake a ia ki lona fakamaauaga ;

Pesalemo 10:9

E moemoe a ia o leoleo mei lona mumuniaga, ofaipe le laione i lona ana ; E moemoe a ia ke tapo le tagata mativa ; E tapo e ia le mativa i lona kupega.

Pesalemo 14:4

Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.

Pesalemo 143:2

Aua na ke fakamaaui lau tagata fakasausau ! Talie e leaise agatonu se tagata mauli i ou mua.

Taagapati 30:14

E i ai se tautagata leia e fai ona nifo pe ni seleta, Ti mo ona kaunifo pe ni sele, Ke kai leia e mamae i le malama nei Ti mo le kau mativa i loto malie o tagata.

Esaia 10:1

Malaia kia latou ala e tuku ia ni fakatotonu veli, Ti mo latou ala e tosi ia ni lao sala,

Esaia 10:2

Ke aua na fakamaau i le faitotonu le kau mativa, Ti ke fakafiti a tagi a le kau gaegae o loku kakai, Ti ke fakaliliu a fafine lokonui ko alatou nea kai, Ti mo toe sala matua ko olatou koloa !

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 14:30

Ti e makona loa le kau mativa, Ti e malolo loa le kau fakaaloalofa i le fimalie. Kae e kau tamate loa lou aka ki le fia kai, Ti e mate loa i le tau le nea leia e toe loa iate koe.

Esaia 26:6

Kua takatakafi a ia ki vae, Ki vae o le kau mativa, ki vae o le kau fakaaloalofa.

Esaia 29:19

E fiafia loa le kau fakaaloalofa i le Eteleno, Ti e nekenekea loa le kau mativa o tupu ko le Sagato o Iselaele.

Esaia 30:12

Koia e folafola ai le Sagato o Iselaele, o pati : O tupu kua kotou tiaki le folafola lena, Ti kua kotou fanaki ki le agamakeke mo puleaki kaka, Ti kua kotou tuku kia latou lakoutou tui,

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 58:4

Ko leinei, e kotou sesunio ke visi, ke fefele, Ke ta fakamakeke okoutou kaito ; E leaise kotou sesunio ofai ki le uiga totonu o le aso lena, Ke logo lokoutou leo ki aluga.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 5:27

Ofaipe se kisi kua apele i manu lele ; Kua apele foki olotou fale i le kaka ; Koia leia kua lotou liliu ai o mauiga mo mou koloa.

Esekiele 18:12

ti kapau e fakamakeke e ia le tagata fakaaloalofa mo le tagata mativa, ti kapau e kaia a ia, ti kapau e leaise liufaki e ia le koloa o leia na gaoi kiate ia, ti kapau e tausi a ia ki taulaatua, o fai ni nea fakalialia,

Esekiele 20:35

E kau ave loa koutou ki le toafa o kakai, ti e kau fakamaaui loa koutou i oku mua.

Esekiele 20:36

Ofaipe laku fakatuaa okoutou tamana i le toafa o le fenua o Esipito, e kau fakatuaa loa koutou, e folafola, le Aliki, le Eteleno.

Levitiko 25:14

Kapau e kotou totogi pe kotou fakatau se kele ki se tagata o lou kakai, ke aua na kakaai loa e se tasi o koutou lona taina.

Levitiko 25:17

Ke aua na kakai loa e se tasi o koutou lona taina, kae e ke fakaapaapa loa ki lou Atua ; talie ko au ko le Eteleno, ko lokoutou Atua.

Amosi 2:7

E lotou loto ke tio ki le efu o le kele i le ulu o le kau fakaaloalofa, Ti e lotou tiaki le tagi a le kau mativa. E ano le vosa mo le tamana ki le taine e tasi, O tupu ke fakakelekele loku suafa maokioki.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Mikea 3:3

E lotou kai le kanofi o loku kakai, E lotou foke lona kili, Ti e lotou fatifatii ona ivi ; E lotou tuutuu latou ofaipe ni nea ke fakamoso i se kulo, Ofaipe ni inati i se kulo.

Mikea 6:10

Pe koi maua i le fale o le tagata agaveli Ni koloa o le agasala, Ti mo se efa sala, nea fakatupu malaia ?

Mateo 21:33

Kotou fakalogo mai ki se tasi folafola fakatata. Na i ai se tagata, ko se pule kaiga, leia na to ia loa se vite. Na a takatakai loa e ia le vite, ti na kenu loa e ia se nea tatau vite, ti na fakatuu loa e ia se tule ; ti oki, ti na lue loa e ia lana vite ki ni tagata faivite, ti na mavae loa a ia i le fenua.

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?