Esaia 3:13 - Tosi Tapu

¹³ Kua tuu le Eteleno ki aluga ke folafola, Kua tuu a ia i aluga o fakamaaui a kakai.

Esaia 3:13 ပူးပေါင်းရင်းမြစ်များ

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 74:22

Tuu ki aluga, ei Atua, o puipui lau gaoiaga ! Manatu ki lauveli ala na fai kiate koe e le tagata valea i aso fuli !

Pesalemo 82:1

Pesalemo a Asafe. E agai le Atua i le fakatasiga a le Atua ; E fakamaau a ia i loto malie o atua.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Soele 3:12

Ke alaala a atu puleaga, ti ke lotou pale Ki le vaivailiua o Sosafate ! Talie i lena e kau ekeeke loa o fakamaau a puleaga fuli o tafatafa.

Mikea 6:1

Ke kotou fakalogo mai ki le nea leia e fakasa e le Eteleno : Ke ke tuu ki aluga, ke ke masau i mua o mauga, Ti ke logo a mauga liliki ki lou leo !…

Mikea 6:2

Kotou fakalogo, mauga, ki le fakamaau a le Eteleno, Ti mo koutou, fakatafito makeke o le kele ! Talie e ia se fakamaau a le Eteleno mo lona kakai, E loto a ia ke masau mo Iselaele.