Esaia 3:12 - Tosi Tapu

¹² Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Esaia 3:12 ပူးပေါင်းရင်းမြစ်များ

Lua tosi o Sau 11:1

I le tio loa a Atalia, tinana o Akasia, kua mate lona tama, na tuu ake loa a ia, o tamate le sakoga sau fuli.

Sopo 30:13

E lotou maumaui loku ala, e lotou gaoi ki loku malaia, Latou ala e leaise tokoi fua ki ai se tasi.

Taagapati 28:16

Ko se pule sala atamai e liuliuga ia ni lagiaki fakamakeke, Kae ko leia e vesia ki le manumanu koloa e fakatologa ia ona aso.

Ekelesiasi 10:16

Malaia ki le fenua leia ko lona sau ko se toe, ti ko ona tama aliki e kai fai mei le usu !

Esaia 19:14

Kua tuku e le Eteleno i loto malie o Esipito se laumalie patigataa, Ke siga ai le kau Esipito i alatou gaoiaga fuli, Ofaipe se tagata kona leia e siga o lulua.

Esaia 3:4

E kau tuku loa kia latou ni pule koi muli, Ti e pule loa ni toe kia latou.

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Naume 3:13

Ko leinei, ko lou kakai, ko ni fafine i loto malie o ou ; Kua mavaa a matapa o lou fenua ki ou fili ; Kua tutu e le afi a ukamea fakamau o ou matapa.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.