Esaia 29:3 - Tosi Tapu

³ E kau takatakai ia loa a koe i potu fuli, E kau tapotapono ia loa a koe ki ni nofolaga solia, E kau fai loa ni kolo tau ke taui ai a koe.

Esaia 29:3 ပူးပေါင်းရင်းမြစ်များ

Lua tosi o Sau 18:17

Na kakau loa e le sau o Asilia mei Lakisi ki Selusalemi, ki le sau ko Esekiasi, a Taletane, mo Lape-Salise ti mo Lapesake mo se solia makeke ai. Na lotou pale loa o kaku ki Selusalemi. I lalatou kaku ki ai, na lotou tutuu loa i tafa o le aleso leia e taki ia le vai ki le fa tane aluga, i le ala ki le faisaga o le tagata fai fo.

Lua tosi o Sau 19:32

Koia e pati ai le Eteleno ki le sau o Asilia : E leaise ulu loa a ia ki le kolo leinei, E leaise toso loa e ia ni gasau i ai, E leaise fakaali loa e ia ni paletau ki ai, Ti e leaise kenu loa e ia ni popoko.

Esaia 1:8

Ti kua nofo le taine o Sione Ofaipe se ga fale pola i se faisaga vite, Ofaipe se fale pola i se faisaga kokope, Ofaipe se kolo na takatakai.

Esekiele 21:22

Ko loku temi loa leinei, E kau pasipasi loa oku lima Ti e kau tuku loa loku ita ke faitalisa. Ko au, le Eteleno, leia e folafola !

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Tetelonome 20:20

Kae e feala loa ke ke maumaui mo ke sele a laakau fuli ala e ke iloa e leaise kai ia a fua, o ke fakaaoga loa latou ki le fau palepale ke taui ai le kolo, o kaku ki lona vilo.