Esaia 29:1 - Tosi Tapu

¹ Malaia kia Aliele, kia Aliele ! Le kolo leia na fai e Tavite ko lona nofoaga ! Kotou fakalasi le fetuu ki le fetuu ; Kotou tuku ke sosolo a aso lalasi i fetuu fuli.

Esaia 29:1 ပူးပေါင်းရင်းမြစ်များ

Lua tosi a Samuele 5:9

Na nofo loa Tavite i le kolo tau, leia na fakaigoa loa e ia ko le kolo o Tavite. Na toe laga foki e ia ni iki kolo tau i le takatakai o le kolo, i le vasa o Milo mo lona nofoaga.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 29:9

Ke kotou ofolele ti ke kotou fakaualoa ! Ke kotou tapono okoutou mata ti ke kotou liliu o kivi ! E lotou konana, kae e leaise tupu ko le vino ; E lotou titipa, kae e leaise tupu ko kava makeke.

Esaia 31:9

E sola loa lona utu i lona i, Ti e lulu loa lona kau pule i mua o le manumanu ; E pati le Eteleno, leia e tuu lana afi i Sione, Ti mo lana gutuumu kaka i Selusalemi.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 7:21

E folafola le Eteleno o kau tau, le Atua o Iselaele, o pati : Kotou fakalasi akoutou failaulau ki akoutou sakilifisio, Ti kotou kai le kanofi !

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:4

E leaise lotou fai loa ki le Eteleno ni lipasio vino : E leaise lotou malilie loa ki le Eteleno. E fai loa alatou sakilifisio kia latou pe se pane o le mamae : Ko latou fuli ala e kai loa ki ai e liliu loa o kelekele ; Talie e tuku loa lalatou pane kia latou tefua, Kae e leaise fakaulu loa a ia ki le fale o le Eteleno.

Levitiko 23:4

Ko nei a aso lalasi o le Eteleno, ko fakatasi tapu, ala e kotou fakasa loa i lolatou temi.

Epelo 10:1

Ko le lao, leia e maua ia se ata o nea malilie ka au, kae leai le maoki totonu o nea, e leaise mafai ia i se aso ke ave ia ki le malie tukupau latou ala e fakafeofi ki le Atua, talie e tonu ke fai tuumau a sakilifisio ana, i fetuu fuli.