Esaia 28:7 - Tosi Tapu

⁷ Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 28:7 ပူးပေါင်းရင်းမြစ်များ

Pesalemo 107:27

Na lotou mata ninimo loa, ti na lotou sisiga loa ofaipe ni tagata konana, Ti na ano noa loa lolatou poto katoa.

Taagapati 20:1

E gologolo le vino, ti e logoa a kava makeke ; Ko leia e fakavalevale ki ai e leaise poto.

Taagapati 23:30

Kia latou ala e nonofo fualoa i tafa o le vino, Kia latou ala ano o inu ni vino makeke.

Ekelesiasi 10:17

Manuia a koe, fenua leia e maua ia se sau mei se famili sau, ti mo ni aliki ala e kai i le temi kai, ke fakafoou ai olatou makeke, kae leai ke konana !

Esaia 19:14

Kua tuku e le Eteleno i loto malie o Esipito se laumalie patigataa, Ke siga ai le kau Esipito i alatou gaoiaga fuli, Ofaipe se tagata kona leia e siga o lulua.

Esaia 22:13

Kae ko leinei kua kotou katakata ti kua kotou fiafia ! Kua tamate ni pipi tagata mo ni ovi ; Kua kai ni inati ti kua inu le vino : Tou kakai ti tou iinu, talie e tou mamate loa apogipogi !

Esaia 24:2

Ti kua fai fakatatau ki le tagata faisakilifisio mo le tagata noa, Ki le pule mo le tagata fakasausau, Ki le fafine aliki mo le fafine fakasausau, Ki leia e fakatau ia mo leia e totogi ia, Ki leia e soli maua mo leia e too maua.

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 28:1

Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Esaia 29:11

Kua fai le levelasio katoa kia koutou pe ni kupu o se tosi kua fakamau, Lei e soli ki se tagata poto i le lautosi, o pati kiate ia : Lau le nea lena ! Kae tali a ia : E leaise kau mafai a ia, Talie kua fakamau a ia.

Esaia 3:12

Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Esaia 43:27

Na agasala lou uluaki tamana, Ti na agatuu kiate au ou fakafofoga.

Esaia 5:11

Malaia kia latou ala e makape usuusu o afa ni kava makeke, Ti e fakaoki tausala lalatou inu vino i le pouli !

Esaia 5:22

Malaia kia latou ala e makeke i le inu vino, Ti e fia tagata i le filo o kava makeke ;

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Selemia 14:14

Ti na pati mai loa le Eteleno kiate au : Ko le loi lena na fakasa e le kau polofeta i loku suafa, Na leaise kau kakau latou, na leaise kau tuku kia latou se fakatotonu, Na leaise kau masau kia latou ; Ko ni tio loi ana, ni kikite loi, Ni kaka mei olatou loto, ala e lotou fakasa kia koutou.

Selemia 23:13

Kua kau tio ki le fakavalevale i le kau polofeta o Samalia ; Kua lotou kikite i le igoa o Paale, Kua lotou fakasese loku kakai ko Iselaele.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Tagi laulau a Selemia 2:4

Na toso e ia lana kalolo ofaipe ki se fili ; Na siki lona lima atamai ki aluga ofaipe le lima o le fili ; Na tamate e ia a nea fuli e fulumalie ki le mata ; Na liligi e ia lona sausau ofaipe se afi ki le falela o le taine o Sione.

Esekiele 13:7

Pe leaise vaiga akoutou tio, pe leaise loi akoutou kikite ala e kotou fakasa ? E kotou pati : Na pati le Eteleno ! Kae na leaise kau folafola fua.

Esekiele 44:21

E leaise inu loa e se tagata faisakilifisio se vino mo ka ulu a ia ki le malae loto.

Oseo 7:5

I le aso o lomatou sau, E masasaki a pule i le fakavalevale ki le vino ; E falo e le sau lona lima ki le kau gologolo.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Apakuki 2:15

Malaia ki leia e fakainu ia lona oloi, Kiate koe leia e liligi ia lau fagu vino ke fakainu ai a ia ke kona, O tupu ke tio ki lona telefua !

Apakuki 2:16

E ke makona loa i le luma o lasi ake i le kololia ; Ke ke inu foki mo koe totonu, ti ke ke nofo telefua ! E maliu loa kiate koe le ipu o le lima atamai o le Eteleno, Ti e fakakelekele loa lou kololia e le luma.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Efeso 5:28

E tonu ke alofa fenaaki le tagata ki lona avaga ofaipe lona tino totonu. Ko le tagata leia e alofa ki lana avaga e alofa kiate ia totonu.