Esaia 28:23 - Tosi Tapu

²³ Fakalogo mai okoutou taliga, ti kotou fakalogo mai ki loku leo ! Kotou tokaga, ti koutou fakalogo ki laku folafola !

Esaia 28:23 ပူးပေါင်းရင်းမြစ်များ

Pesalemo 81:9

Fakalogo mai, ei loku kakai ! ti e kau fakasa fakatomua loa kiate koe ; Iselaele, pe mafai fua ke ke fakalogo mai kiate au !

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Esaia 28:24

Ko leia e laga ia le kele ke to ai le pulapula, pe laga a ia o lee gato ? Pe fakamavaa ti mo fakamaluu e ia le kele o lee gato ?

Esaia 32:9

Fafine fakaauauganoa, Kotou tutuu ki aluga, kotou fakalogo mai ki loku leo ! Taineliki fakafulufulumalie, Kotou tokaga mai okoutou taliga ki laku folafola !

Selemia 22:29

Kele, kele, kele, Fakalogo ki le folafola a le Eteleno !

Tetelonome 32:1

Atu lagi, fakalogo mai ou taliga, ti e kau masau loa. Kele, fakalogo mai ki masau o loku gutu.

Apokalipisi 2:11

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ko leia e malo loa e leaise toe mamae loa a ia i le lua mate.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Apokalipisi 2:29

Ko leia e maua ia ni taliga ke logo a ia ki le nea leia e fakasa e le Laumalie ki Ekelesia.

Apokalipisi 2:7

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia. Ki leia e malo loa, e kau soli loa kiate ia ke kai ki le fua o le laakau o le mauli, leia e tuu i le Palatiso o le Atua.