Esaia 28:22 - Tosi Tapu

²² Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Esaia 28:22 ပူးပေါင်းရင်းမြစ်များ

Lua tosi o Koloniko 30:10

Na ano loa le kau tagata avelogo i kolo fuli o le fenua o Efalaimi mo Manase, o kaku ki Sapulone. Kae na kakata mo gologolo kia latou.

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Pesalemo 107:16

Talie na maumaui e ia a matapa sila, Na maumaui e ia a loka ukamea.

Ekesote 8:25

Na tali loa Moisese : E kau mavae loa i lou fale, ti e kau faikole loa ki le Eteleno. I le aso apogipogi, e fakamamao loa a lago meia Falaone, mo ana tagata fakasausau, ti mo lona kakai. Kae ke aua na toe kaka loa Falaone, o fakafiti ke tuku ke ano le kakai o momoli ni sakilifisio ki le Eteleno.

Taagapati 19:29

E teuteu ni tautea ki le kau fia nealasi, Ti e teuteu le laakau ki le tua o le kau vale.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 28:23

Fakalogo mai okoutou taliga, ti kotou fakalogo mai ki loku leo ! Kotou tokaga, ti koutou fakalogo ki laku folafola !

Selemia 15:17

Na leaise kau tonatona fua i le fakatasi a le kau gologolo, o tupu ke kau fakafiafia mo latou ; Kae na kau tonatona toka tasi, o tupu ko lou mafimafi, Talie na fakaapele au ki lou sausau.

Selemia 20:7

Eteleno, na ke akonaki mai kiate au, ti na kau tui ki au folafola ; Na ke too au ki lou lima, ti na ke malo iate au. Ti kua kau liliu ko se nea fakagologolo i le aso katoa, Kua gologolo le fenua katoa kiate au.

Selemia 25:11

E liliu loa le fenua katoa leinei ko se kele maumau, mo se toafa, ti e popula loa a puleaga ana ki le sau o Papilone i fetuu e kau fitu.

Selemia 36:23

I le oki o le lau e Seutese o pasina e tolu pe fa, na tuuti loa e le sau le tosi ki le ga sele a le sekalaipe, o ti a ia ki le afi, o okioki i ai.

Selemia 39:7

Ti na fakatotonu e ia ke kape a mata o Setesiasi, ti ke saisai a ia ki ni tini sila, o ave ki Papilone.

Tagi laulau a Selemia 1:14

Na sai e lona lima le kavega o aku agaveli ; Ti na lotou fui ia ti mo sai ia loku ua ; Na fatii e ia loku makeke ; Na tuku au e le Aliki ki ni lima ala e leaise mafai ke kau tuu ki ai.

Esekiele 22:14

Pe ke loto makeke loa, pe e makeke loa ou lima i le aso leia e kau gaoi ai loa kiate koe ? Talie ko au, le Eteleno, kua kau masau, ti e kau fai loa.

Naume 1:9

Kolea e kotou fakakaukaui ki le Eteleno ? Ko ia leia e maumaui ia. E leaise sa tua lua loa le mamae !

Mateo 27:39

Ko latou ala na fakalaka i ai na nukinuki loa kiate ia, ti na lotou kalo loa olatou ulu,

Mateo 27:44

Ti na toe pati veli fenaaki kiate ia a tagata kaia e toka lua, ala na tutuki i ni koluse o fakatasi mo ia.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.