Esaia 28:16 - Tosi Tapu

¹⁶ Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 28:16 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Pesalemo 87:1

A vosa o Kole. Pesalemo. Katiko. Na laga a ia i aluga o atu mauga maokioki.

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 54:11

A koe leia e mamae, mo ta e le afa, ti e leaise fakapelepele e se tasi ! Ko leinei, e kau toe laga loa a koe ki ni fatu fakateuteu fulumalilie, Ti e kau toe fai loa ou fakatafito ki le safile ;

Taniela 2:45

Ko lena le uiga o le fa fatu leia na ke tio na mataaki mei le mauga ti na leaise tokoi ki ai se lima, leia na momoi ia le ukamea, mo le sila, mo le kele, mo le siliva, mo le aulo. Kua fakasa e le Atua lasi ki le sau le nea leia ka soko loa ki muli. E maoki le moe miti, ti e maoki lona fakamatala.

Sakalia 10:4

E ulu loa meiate ia le fatu agele, meiate ia le fao, meiate ia le kalolo tau, E ulu loa meiate ia a pule tau fuli, fakatasi.

Sakalia 3:9

Talie ko leinei, kua kau fakatuu se fa fatu i mua o Sosue ; ti e i ai ni fa mata e fitu i le fa fatu lena e tasi ; e kau togi loa i ai, e au totonu, le nea leia e tonu ke togi i ai, e folafola le Eteleno o kau tau, ti e kau too loa le agasala a le fenua leinei, i se aso e tasi.

Mateo 21:42

Na pati loa Sesu kia latou : Pe na leaise kotou lau i le Tosi : Ko le fa fatu leia na tiaki e le kau tufuga Kua liliu ko le fatu tafito o le agele ; Ko le nea lena e au mei le Aliki, Ti ko se nea fakaofolele ki otatou mata ?

Maleko 12:10

Pe na leaise kotou lau le folafola leinei o le Tosi : Ko le fatu leia na tiaki e le kau tufuga Na liliu ko le fatu tafito o le agele ;

Loma 10:11

E leaise luma loa leia e tui kiate ia.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Uluaki tosi ki le kau Kolinto 3:11

Talie e leaise mafai e se tasi ke teki e ia se tasi ake fakavae kese i leia kua teki, ke iloa ko Sesu-Kilisito.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.