Esaia 28:12 - Tosi Tapu

¹² Na pati a ia kiate ia : Ko leinei le maloloaga, Kotou tuku ke malolo leia kua gaegae ; Ko leinei le ganea malolo ! Kae na leaise lotou fia fakalogo fua.

Esaia 28:12 ပူးပေါင်းရင်းမြစ်များ

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 29:12

Pe se tosi leia kua soli ki se tagata leia e leaise poto i le lautosi, o pati kiate ia : Lau le nea lena ! Kae e tali a ia : E leaise kau poto i le lautosi.

Esaia 30:15

Talie na folafola le Aliki, le Eteleno, le Sagato o Iselaele, o pati : I le tafoki mai kiate au mo le nofo iate au, e kotou maua ai le mauli ; I le agamalu mo le tui kiate au, e kotou maua ai le makeke. Kae na leaise kotou loto ki ai !

Esaia 32:17

Ko le gaoi a le faitotonu ko le tokamalie, Ti ko le fua o le faitotonu ko le malolo mo le fimalie o lee gato.

Esaia 32:18

E nofo loa loku kakai i le nofoaga o le tokamalie, I ni fale makeke, I ni fale malolo.

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,