Esaia 28:1 - Tosi Tapu

¹ Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Esaia 28:1 ပူးပေါင်းရင်းမြစ်များ

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Lua tosi o Koloniko 28:6

Na tamate loa e Pekase, vosa o Lemalia, i le aso e tasi i Suta ni tagata e tino lelau tino lua afe, tagata toa fuli, o tupu na lotou tiaki le Eteleno, le Atua o olatou tamana.

Taagapati 23:29

Kiate ai le mativa ? Kiate ai a malaia ? Kiate ai a fefele ? Kiate ai a lauga ? Kiate ai a lavea kae e leai sona tupuaga ? Kiate ai a mata kukula ?

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 5:11

Malaia kia latou ala e makape usuusu o afa ni kava makeke, Ti e fakaoki tausala lalatou inu vino i le pouli !

Esaia 5:22

Malaia kia latou ala e makeke i le inu vino, Ti e fia tagata i le filo o kava makeke ;

Esaia 8:4

Talie i mua o le poto o le toe i le pati : Loku tamana ! loku tinana ! e ave loa a koloa o Tamaso mo koloa o Samalia ki le sau o Asilia.

Esaia 9:11

Le kau Silia i le potu esite, mo le kau Filisitini i le potu uesite ; Ti e lotou kai maaga loa Iselaele. Kae logo ai a nea fuli ana, e leaise malu loa lona itaita, Ti koi falo aifai lona lima.

Esaia 9:8

Ti e iloa loa a ia e le kakai katoa, Io, e Efalaimi mo le kakai o Samalia, Ala e pati i le nekenekea mo le fia nealasi :

Esaia 9:9

Kua maluluku ki lalo ni piliki, Kae e motou toe lagai loa latou ki ni fatu ta ; Kua tuutuu ki lalo ni pou sikomole, Kae e motou toe fetogi loa latou ki ni pou sete.

Oseo 4:11

E fakatupu ulu vale le faifeauaki, mo le vino, mo le kava.

Oseo 5:5

Ko le fia nealasi o Iselaele e fakamaoki kiate ia ; Ko Iselaele mo Efalaimi e vivilo loa i ala agasala totonu ; Ti ko Suta e vilo loa mo laua.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Oseo 6:10

Kua kau tio ki ni nea fakalialia i le fale o Iselaele : I ai e faiaga Efalaimi, e fakakelekele Iselaele.

Oseo 7:5

I le aso o lomatou sau, E masasaki a pule i le fakavalevale ki le vino ; E falo e le sau lona lima ki le kau gologolo.

Levitiko 26:19

E kau fatii loa lokoutou loto lasi : e kau fakaliliu loa le lagi i okoutou aluga ke fefeka ofaipe le ukamea, ti e leaise toe to loa se ua ki okoutou kele, ala e fefeka loa ofaipe le sila.

Amosi 2:12

Kae na kotou fakainu le vino ki le kau nasilea ! Ti na kotou tuku ki le kau polofeta le fakatotonu leinei : Aua na kotou faikikite !

Amosi 2:8

E lotou momoe i tafa o aletale i ni kofu na tuku ake e le kau mativa kia latou, Ti e lotou inu i le fale o olatou atua le vino a latou ala e lotou fakatua.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Amosi 6:4

E lotou malolo i ni palepale lei, E lotou moemoe fakafifimalie i olatou moeaga, E lotou kai a akeno o le kau manu A uviki pipi na fakagagako.

Amosi 6:6

E lotou inu le vino i ni ipu lalasi, E lotou pani le lolo malie, Ti e leaise lotou mamae fua i le maumau o Sosefo !

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.