Esaia 27:9 - Tosi Tapu

⁹ Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Esaia 27:9 ပူးပေါင်းရင်းမြစ်များ

Lua tosi o Sau 10:26

Na lotou toso loa ki fafo a fakatata o le fale o Paale, o tutu i ai.

Lua tosi o Sau 23:14

Ti na fatifatii loa e ia a fakatata ti na maumaui loa e ia mo taulaatua, ti na fakaapele loa e ia ki ivii tagata a tuuaga o fakatata ana.

Lua tosi o Sau 25:9

Na tutu loa e ia le fale o le Eteleno, mo le fale o le sau, ti mo fale fuli o Selusalemi ; na tutu loa e ia ki le afi a fale fuli ala na mauiga.

Lua tosi o Koloniko 14:5

Na laga loa e ia ni kolo tau i Suta ; talie na tokamalie le fenua ti na leaise fai se tau kiate ia i le lolotoga o fetuu ana, talie na soli loa e le Eteleno kiate ia se malolo.

Lua tosi o Koloniko 34:4

Na solosoloi loa ki lalo i ona mua a aletale o Paale, ti na ta loa e ia ki lalo a fakatata na fakatapui ki le laa ala na tutuu i aluga o aletale ; na fatifatii loa e ia a taulaatua, mo fakatata togi mo fakatata ukamea na saka ti na laliki loa e ia latou ke efu, ti na laku loa e ia le efu ki tanuma o latou ala na momoli ia ni sakilifisio kia latou ;

Lua tosi o Koloniko 36:19

Na lotou tutu loa le fale o le Atua, na lotou maumaui loa a paa o Selusalemi, na lotou tuku loa ki le afi a nea fuli o ona fale sau mo maumaui loa a nea mauiga fuli.

Pesalemo 119:67

I mua o loku fakamamaei, na kau sese ; I le aso nei e kau fai lau folafola.

Pesalemo 119:71

E malie kiate au ke tuku au ki lalo, O tupu ke kau ako au fakatuutuu.

Ekesote 34:13

Kae e kotou maumaui loa olatou aletale, e kotou momoi loa olatou fakatata, ti e kotou tekai loa olatou laakau tapu.

Taagapati 20:30

Ko lavea mamae e feala ke fakamauli ia le tagata agaveli, Ti ko ta ala e ulu o kaku ki takele o tootooga ke fakapoto ia a ia.

Esaia 1:29

E kotou luma loa o tupu ko laakau ala na kotou tui ki ai, Ti e kotou luma loa o tupu ko oloto ala na fai ia okoutou fiafiaaga ;

Esaia 17:8

E leaise toe tio loa a ia ki aletale, Gaoiaga o ona lima, Ti e leaise toe tokaga loa a ia ki nea ala na fau e ona maikao, A taulaatua o Asetalate mo fakatata o le laa.

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 4:4

I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 48:10

Na kau tuku a koe ki le gutuumu kaka, kae na leaise ko le gutuumu leia e fakamea ai le paaga ; Na kau asiasii a koe i le gutuumu o le mamae.

Esekiele 11:18

Ko lena le ganea e lotou ano loa ki ai, Ti e lotou too loa i ai a taulaatua fuli mo nea fakalialia fuli.

Esekiele 20:38

E kau vaei kese loa i a koutou le kau agatuu mo latou e agasala kiate au ; ti e kau too loa latou i le fenua leia e lotou matapule ai, kae e leaise lotou ano loa ki le fenua o Iselaele. Ti e kotou iloa loa ko au ko le Eteleno.

Esekiele 6:4

E maumaui loa okoutou aletale, E fatifatii loa okoutou fakatata o le laa, Ti e kau laku loa okoutou mate i mua okoutou taulaatua.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Oseo 14:8

Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Mikea 5:11

E kau motusi loa i lou lima a nea fakatemonio, Ti e leaise ke toe maua loa se tagata fai nea fakatemonio ;

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Loma 11:27

Ti e fakasoko loa laku sai mo latou, I le aso leia e kau too ai loa alatou agasala.

Uluaki tosi ki le kau Kolinto 11:32

Kae e fakamaaui tatou, ti e tautea tatou e le Aliki, o tupu ke aua na tou malaia fakatasi mo le malama nei.

Tetelonome 12:3

Ke kotou soloi loa olatou aletale, ti ke kotou fatifatii loa olatou pou tapu, ti ke kotou tutu loa olatou vao tapu, ti ke kotou maumaui loa a fakatata o olatou atua, ti ke kotou fakapuli loa i ganea ana a nea fuli ala e fakamanatu ai olatou atua.

Epelo 12:6

Talie e akonakii e le Aliki leia e alofa a ia ki ai, Ti e taai e ia ki le laakau latou fuli ala e fakamaoki e ia ko ona vosa.