Esaia 27:3 - Tosi Tapu

³ Ko au le Eteleno, ko lona tagata taupau : E kau fakavai a ia i temi fuli ; Ti e kau leoleo a ia i le ao mo le pouli, Ke aua na maumaui a ia e se tasi.

Esaia 27:3 ပူးပေါင်းရင်းမြစ်များ

Senesi 6:17

Ti ko au, e kau kakau mai loa le lomaki ke to ki le kele, o maumaui a nea fuli ala e mauli i lalo o le lagi ; ti e mamate loa a nea fuli ala e mauli i aluga o le kele.

Senesi 9:9

Ko leinei, e kau fai laku fakapapau kia koutou mo lokoutou sakoga i okoutou muli,

Uluaki tosi o Sau 8:59

Ke tuku tuumau i mua o le Eteleno, lotatou Atua, a masau anei, ko aku tagi i mua o le Eteleno, i le ao mo le po, ti ke fai e ia lana faitotonu i temi fuli ki lana tagata fakasausau mo lona kakai ko Iselaele,

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Esaia 31:5

Ofaipe ni manu lele ala e folasi ia olatou kapakau i aluga o olatou uviki, E tatau foki mo le Eteleno o kau tau, e folasi ia loa lana puipui ki Selusalemi ; E puipui loa e ia ti e saofaki loa e ia, E tuku loa e ia ti e fakamauli loa e ia.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 46:4

E kau tatau loa kia koutou o kaku ki lokoutou matutua ; E kau tokoi loa kia koutou o kaku ki lokoutou matutua. Io, na kau fai a ia, ti e kau loto foki ke toe luluku koutou, Ke toe tokoi kia koutou, ti ke toe fakamauli koutou.

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esekiele 34:11

Talie e folafola le Aliki, le Eteleno, o pati : Ko leinei, e kau tokaga totonu loa ki aku ovi, ti e kau lau loa latou.

Esekiele 34:24

Ti ko au, le Eteleno, e kau liliu loa ko lolatou Atua, ti e nofo loa laku tagata fakasausau ko Tavite ko le aliki ia latou. Ko au, le Eteleno, kua kau masau.

Esekiele 37:14

E kau tuku loa loku Laumalie kia koutou, ti e kotou mauli loa ; e kau toe fakanofo loa koutou ki lokoutou fenua, ti e kotou iloa loa ko au le Eteleno, kua kau masau ti kua kau fai a ia, e pati le Eteleno.

Esekiele 37:28

Ti e iloa loa e atu puleaga ko au ko le Eteleno, ti kua kau fakatapui Iselaele, ke tausi kiate au, i le aso leia e toe fakatuu ai loa loku fale tapu i lotolotoga o latou o lee gato.

Uluaki tosi a Samuele 2:9

E taupau loa e ia a lakaaga o ona alofaaga. Kae e tuku loa e ia le kau agaveli ki le fakapouli ; Talie e leaise malo loa le tagata ki le makeke.