Esaia 27:13 - Tosi Tapu

¹³ I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 27:13 ပူးပေါင်းရင်းမြစ်များ

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Uluaki tosi o Koloniko 15:24

ti na tutuu a Opeto-Etome mo Sekisa, tagata tuu matapa, i le tasi fetuu o le aleka. Na pupusi loa e Sepania, mo Sosafate, mo Netaneele, mo Amasai, mo Sakalia, mo Penasa mo Eliesele, tagata faisakilifisio, ni fakatagi pupusi i mua o le aleka o le Atua.

Pesalemo 47:5

E filifili e ia kia tatou lotatou tofiga, Le kololia o Sakopo leia e alofa a ia ki ai. - Manava.

Pesalemo 81:3

Kotou sua ni katiko, kotou fakagugulu le nafa, Mo le alepe logo malie, mo le lute !

Pesalemo 89:15

Ko le faitotonu mo le maokioki ko le fakavae o lou ekeekeaga fakasau. E tutuu le agamalie mo le agatonu i ou mua.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 11:16

Ti e i ai loa se ala ki le toetoega o lona kakai, Leia e toe loa mei Asilia, Ofaipe le ala leia na tuku ki Iselaele, I le aso leia na mavae ai i Esipito.

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 25:6

Kua teuteu e le Eteleno o kau tau ki kakai fuli, i le mauga leinei, Se kaitasi o ni nea kai malilie, Se kaitasi o ni vino matua, Mo ni kanoi manu malilie mo gako, Mo ni vino matua, kua mea malie.

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Selemia 31:6

Talie e soko mai loa le aso leia e kalaga ai loa le kau leo i le mauga o Efalaimi : Kotou tutuu mai ke tou pale ki Sione, ki le Eteleno, lotatou Atua !

Selemia 43:7

Na lotou ano loa ki le fenua o Esipito, talie na leaise lotou fakalogo ki le leo o le Eteleno, ti na lotou kaku loa ki Takepanese.

Selemia 44:28

Kae ko se ga toka teiki fua leia e sao loa i le seleta, ti e toe liliu loa mei le fenua o Esipito ki le fenua o Suta. Kae ko le ga toetoega fua o Suta, latou fuli ala kua au ki le fenua o Esipito ke nofo i ai, e lotou iloa loa pe ko laku folafola pe ko lalatou leia e soko loa.

Esekiele 20:34

E kau fakamavae loa koutou i loto malie o kakai, ti e kau fakamaopo mai loa koutou i fenua ala na kotou mavetevete ai, ki loku lima makeke ti mo le liligi loku sausau.

Esekiele 20:41

E kau tali loa koutou ofaipe se kaloni manogi fakaaloalofa, mo ka kau fakamavae loa koutou i loto malie o kakai, ti mo fakatasii koutou i fenua ala na kotou mavetevete ai ; ti e kotou fakasa loa i ai loku maokioki i mua o atu puleaga.

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Taniela 11:45

E fakatuu loa e ia ona falela fakasau i le vasa o le tai mo le mauga tapu o le fenua manuia. Ti e kaku loa a ia ki lona fakaoki, kae e leaise tokoi fua se tasi kiate ia.

Oseo 11:11

E lotou fekapu loa mei Esipito, ofaipe se manu lele, Mei le fenua o Asilia, ofaipe se lupe, Ti e kau fakanofo loa latou i olatou fale, E pati le Eteleno.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Levitiko 25:9

I le aso kau agafulu o le masina fitu, e ke fakatatagi loa le leo makeke o le fakatagi pupusi ; i le aso lasi o le fakamalie, e kotou pupusi loa le fakatagi pupusi i le fenua katoa.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sakalia 14:16

Ko latou fuli ala e toe loa i atu puleaga fuli Ala na ano o tau ki Selusalemi E pale loa i fetuu fuli O atolasio ki le sau, le Eteleno o kau tau, Ti mo fakamanatu le aso o tapenakulo.

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Uluaki tosi ki le kau Tesalonika 4:16

Talie e ifo loa le Aliki totonu mei le lagi, i se kalaga fakalagiaki, i le leo o se alekaselo, ti mo le tagi o le fakatagi pupusi a le Atua : ti ko le kau mate ia Kilisito e toe tuuake loa i mua.

Epelo 12:22

Kae kua kotou fakafeofi ki le mauga o Sione, ki le kolo o le Atua mauli, ki le Selusalemi i Selo, ki miliate mo miliate o le kau aselo,

Apokalipisi 10:7

kae i aso o le leo o le fitu aselo, mo ka pupusi loa e ia lana fakatagi pupusi, e fakasoko loa e le Atua lana fakatuutuu fakapulipuli, ofaipe lana fakasa fakatomua ki ana tagata fakasausau, le kau polofeta.

Apokalipisi 8:2

Ti na kau tio loa ki aselo e fitu ala e tutuu i mua o le Atua, ti na soli loa kia latou ni fakatagi pupusi e fitu.

Apokalipisi 8:6

Ti ko aselo e toka fitu, ala na nonofo mo fakatagi pupusi e fitu, na teuteu loa ki le pupusi o fakatagi.

Apokalipisi 9:14

ti na pati loa ki le ono aselo leia e nofo mo le fakatagi pupusi : Veteki a aselo e fa ala na sai i le vaitafe lasi, ko le Eufalate.