Esaia 26:8 - Tosi Tapu

⁸ Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 26:8 ပူးပေါင်းရင်းမြစ်များ

Lua tosi a Samuele 23:5

Pe leaise fenaaki loku fale i mua o le Atua, Talie kua fai e ia mo au se sai lee gato, Leia kua fakatuutuu ona lekula fuli ke taupau ia a ia ? Pe leaise fakasomo loa e ia loku fakamauli katoa mo oku oli fuli ?

Pesalemo 106:3

Manuia latou ala e tausi ia le lao, ala e fai ia le faitotonu i temi fuli !

Pesalemo 130:5

E kau amanaki malie ki le Eteleno, e amanaki malie loku laumalie, Ti e kau talitali ki lana fakapapau.

Pesalemo 18:23

Na tuu ana fakatotonu fuli i oku mua, Ti na leaise kau fakamamao fua i ana lao.

Pesalemo 42:2

Ofaipe se tia e fakaamu ki ni tafeaga vai, E fakaamu foki loku laumalie kiate koe, ei Atua !

Pesalemo 65:6

I lou agamalie, e ke tali ki amatou kole i ni nea fakamanamana, Atua o lomatou fakamauli, A koe ko le amanaki malie o atu puleaga o potupotu o le malama nei ti mo atu motu mamao o le tai !

Pesalemo 73:25

Ko ai ake iate koe e kau maua i le lagi ? Ti i le malama nei e kau maua loku fiafia iate koe toka tasi.

Pesalemo 84:2

E alofaia ou nofoaga, Eteleno o kau tau !

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Katiko o Katiko 5:8

Ei taineliki o Selusalemi, e kau kole atu kia koutou, Kapau e kotou maua loku mamanaaga, Kolea e kotou fakasa loa kiate ia ?… Kotou pati e kau masaki laukau !

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 24:15

Koia ke kotou fakakololia ki le Eteleno i ganea fuli ala e mu ai le malama, Io, ki le suafa o le Eteleno, le Atua o Iselaele, i atu motu o le tai !

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:13

Eteleno, lomatou Atua, na pule kia matou ni iki ake a pule kese iate koe ; Kae kua motou fetapa ki lou suafa o tupu ko lou alofa toka tasi.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 51:4

Ei loku kakai, tokaga ! Ei loku puleaga, fakalogo mai lou taliga ! Talie e ulu atu loa le lao iate au, Ti e kau fakatuu loa laku lao ke liliu ko le malama o kakai.

Esaia 56:1

Ko leinei le folafola a le Eteleno : Kotou tausi le nea leia e maoki, Kotou fai le nea leia e totonu ; Talie e leaise tuvai loa le au o laku fakamauli Ti mo le fakasa o laku faitotonu.

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Numelo 36:13

Ko na a lao ala na tuku e le Eteleno ia Moisese ki fanau a Iselaele, i le fenua o Moape, i tafa o le Solotane, i mua o Seliko.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Gaoi 1:4

I lana koi nofo mo latou, na fakatotonu loa e ia kia latou ke aua na lotou fakamamao i Selusalemi, kae ke lotou talitali ki le nea leia na fakapapau e le Tamana, le nea leia na kau fakasa fakatomua atu kia koutou.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Lua tosi ki le kau Tesalonika 3:5

Ke takitaki e le Aliki okoutou loto ki le alofa o le Atua ti mo le kataki fualoa o Kilisito !