Esaia 26:20 - Tosi Tapu

²⁰ Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 26:20 ပူးပေါင်းရင်းမြစ်များ

Senesi 7:1

Na pati loa le Eteleno kia Noe : Ulu ki le aleka, a koe mo lou famili ; talie kua kau tio e ke agatonu toka tasi i oku mua i le tautupu leinei.

Senesi 7:16

Na ulu loa se manu tagata mo se manu fafine i faasiga manu kesekese, o mulimuli ki le nea leia na fakatotonu e le Atua kia Noe. Ti na tapono loa e le Eteleno le matapa i muli o Noe.

Sopo 14:13

Oi, ka na ke loto fua ke fufu au i le nofoaga o le kau mate, Ke kau mumuni ai o kaku ki le oki o lou sausau, Ti ka na ke fakatotonu fua se temi leia e ke toe manatu ai loa kiate au !

Pesalemo 143:9

Ei Eteleno ! saofaki au i oku fili, Talie e kau afa iate koe se mumuniaga.

Pesalemo 17:8

Taupau au ofaipe le fa tiloga o le mata ; Puipui au, i le malu o ou kapakau,

Pesalemo 27:5

Talie e fufu loa e ia au i lona tapenakulo i le aso o le malaia, E fakamumuni loa e ia au i le potu lilo o lona falela. E fakatuu loa e ia au ki aluga o se utu.

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 31:20

Io ! E lasi ai lou agamalie, Leia e ke taofi kia latou ala e i kiate koe, Leia e ke fakasa kia latou ala e afa lolatou mumuniaga iate koe Kae tio a vosa o tagata !

Pesalemo 32:7

Ko se mumuniaga a koe kiate au, e ke puipui au i le mamae, E ke takatakai au ki ni sua o le fakamauli. - Manava.

Pesalemo 57:1

Ki le pule o le kau sua. Aua na ke maumaui. Pesalemo a Tavite. I lana sola ki le ana, o tupu ko lona tuli e Saulo.

Pesalemo 57:2

Alofa mai kiate au, ei Atua, alofa mai kiate au ! Talie e fanaki loku laumalie kiate koe ; E kau afa se mumuniaga i le malu o ou kapakau, O kaku ki le oki o malaia.

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Pesalemo 91:4

E ofaki loa e ia a koe ki ona fului manu, Ti e ke maua loa se mumuniaga i lalo o ona lalo kapakau ; Ko lona agatonu ko se paletau ti ko se kofu tau.

Pesalemo 94:13

O tupu ke fimalie a ia i le aso o le malaia, O kaku ki le kenu o le popoko ki le tagata agaveli !

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Taagapati 22:3

E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

Esaia 10:25

Kae, koi toe fai se ga temi ikiiki, Ti e gato loa le tautea, Ti e maliu loa loku sausau kiate ia o tamate a ia.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Esaia 51:4

Ei loku kakai, tokaga ! Ei loku puleaga, fakalogo mai lou taliga ! Talie e ulu atu loa le lao iate au, Ti e kau fakatuu loa laku lao ke liliu ko le malama o kakai.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Selemia 31:14

E kau fakamakona loa ki le gako le laumalie o le kau faisakilifisio, Ti e makona loa loku kakai i aku nea malilie, e pati le Eteleno.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Esekiele 11:16

Koia leia e ke pati ai loa : E folafola le Aliki, le Eteleno, o pati : Kapau e kau taofi latou i loto malie o atu puleaga, Kapau na kau fakamavetevete latou i fenua kesekese, E kau liliu loa kia latou ko se maloloaga i se ga temi I fenua ala na lotou kaku ki ai.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,