Esaia 26:2 - Tosi Tapu

² Kotou fakamavaa a matapa, Kotou tuku ke ulu le puleaga maokioki mo agatonu.

Esaia 26:2 ပူးပေါင်းရင်းမြစ်များ

Pesalemo 106:5

O tupu ke kau tio ki le manuia o lau kau filifiliia, Ti ke kau fiafia i le fiafia o lou kakai, Ti ke kau fakakololia mo lou tofiga !

Pesalemo 118:19

Kotou fakamavaa mai kiate au a matapa o le faitotonu : E kau ulu loa, e kau fakafetai loa ki le Eteleno.

Pesalemo 118:20

Ko leinei le matapa o le Eteleno E ulu i ai le kau agatonu.

Pesalemo 24:7

Matapa, ke kotou siki ki aluga okoutou kau matapa ; Ke kotou malaga ki aluga, matapa lee gato ! Ke kotou tuku ke ulu le sau o le kololia !

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 58:8

Ti e sa loa lou malama ofaipe le mafoata, Ti e somo vave loa lou fakamauli ; E saele loa lau faitotonu i ou mua, Ti e ano loa le kololia o le Eteleno mo koe.

Esaia 60:11

E mavaa tuumau loa ou matapa, E leaise lotou toe mapono loa i le ao mo le pouli, O tupu ke tuku ke ulu mai kiate koe a koloa fufu o atu puleaga, Ti mo olatou sau mo olatou famili.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 62:1

I loku alofa ki Sione e leaise kau fakalologo loa, I loku alofa ki Selusalemi e leaise kau malolo loa, O kaku ki le sa o lona fakamauli, ofaipe le mafoata, Ti mo lona saofaki, ofaipe se taume leia e ulaula.

Esaia 62:10

Kotou ulu, kotou ulu i matapa ! Kotou teuteu se ala ki le kakai ! Kotou fakalauatea ! Kotou fakalauatea le ala, kotou too a fatu ! Kotou toso se manumanu ki kakai !

Esaia 62:2

Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Sakalia 8:20

E folafola le Eteleno o kau tau, o pati : E toe au loa ni kakai toka api mo ni iki ala na nonofo i ni kolo kesekese.

Gaoi 2:47

o fakamalo ki le Atua, ti mo alofainai e le kakai katoa. Ti na fakaulu e le Aliki i le aso taki tasi ki le Ekelesia latou fuli kua saofaki.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Lua tosi a Petelo 3:13

Kae e tou talitali, o mulimuli ki lana fakapapau, ki ni lagi foou mo se kele foou, leia e nofo ai loa le maokioki.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.

Apokalipisi 21:24

Ti e saele loa a puleaga i lona malama, ti e aumai loa e sau o le malama nei olatou kololia ki ai.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;