Esaia 26:19 - Tosi Tapu

¹⁹ Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Esaia 26:19 ပူးပေါင်းရင်းမြစ်များ

Sopo 14:8

Pe kua matua lona aka i le kele, Ti kua mate lona kuaga i le efu,

Sopo 29:19

E ulu loa le vai ki oku aka, Ti e fakamokomoko loa e le sasau o le mafoata oku laa.

Pesalemo 110:3

E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Pesalemo 22:15

E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Pesalemo 22:29

Talie maua e le Eteleno le pule : E pule a ia ki atu puleaga.

Pesalemo 71:20

Na ke asiasii matou ki ni mamae mo ni malaia ; Kae e ke toe soli mai loa le mauli kia matou, E ke toe paleaki ake loa matou i le vanu o le kele.

Pesalemo 88:11

Pe ke fai ni milakulo kia latou ala kua mamate ? Pe tutuu ake le kau mate ki aluga o fakafetai kiate koe ? - Manava.

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Oseo 13:14

E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Oseo 14:5

E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Mateo 27:52

ti na mavaa loa a tanuma, ti na toe tuuake loa a tino o ni kau sagato toka api.

Mateo 27:58

Na ano loa a ia kia Pilato, o kole le tino o Sesu. Ti na fakatotonu loa e Pilato ke soli ake kiate ia le tino o Sesu.

Gaoi 24:15

ti e kau maua i le Atua le amanaki malie leinei, leia e lotou maua foki e latou anei, e i ai loa se toe tuuake o le kau agatonu mo le kau lee agatonu.

Uluaki tosi ki le kau Kolinto 15:20

Kae ko leinei, kua toe tuuake maoki Kilisito mei le kau mate, ti kua soko a ia ko le uluaki fua o latou ala kua mamate.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !

Tetelonome 33:13

Kia Sosefo, na pati a ia : E tapuaki loa le Eteleno ki lona fenua, Ti e maua loa e ia le alofa malie tukupau o le lagi, le sese, Mo vai malilie o le lalo lagi,

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Uluaki tosi a Samuele 2:6

E fakamate ti e fakamauli e le Eteleno, E fakaifo e ia ki le nofoaga o le kau mate, ti e toe fakapale ake e ia mei ai.