Esaia 26:18 - Tosi Tapu

¹⁸ Na motou tinanae, ti na mamae omatou ganea, Kae i le aso leia na motou fanau ai, na motou maua le matagi ata : Na leaise fakamauli le fenua, Ti na leaise tupu foou lona kakai.

Esaia 26:18 ပူးပေါင်းရင်းမြစ်များ

Lua tosi o Sau 19:3

Ti na lotou pati loa kia Esaia : Ko leinei le masau a Esekiasi : Ko le aso leinei ko se aso o le mamae, mo le tautea, ti mo le luma ; talie kua vave vilo fua a toe mei manava o olatou tinana, kae e leaise maua se makeke ke fanaui ai latou.

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Esaia 33:11

Na kotou fakakaukau ni vao ke kai e kau manu, E kotou fanaui loa ni vao ke moe ai a kau manu ; Ko lakoutou tukumanava, Ko se afi leia e tutu ia loa koutou.

Esaia 37:3

Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Oseo 13:13

E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Uluaki tosi a Samuele 11:13

Kae na pati loa Saulo : E leaise tamate loa se tasi i le aso nei, talie kua fai e le Eteleno i le aso nei se saofaki i Iselaele.

Uluaki tosi a Samuele 14:45

Na pati loa le kakai kia Saulo : Kolea ! Ke mate loa Sonatane, leia na fai ia le saofaki lasi leinei i Iselaele ! Ke mamao le nea lena ! E mauli le Eteleno ! E leaise vilo loa ki le kele sona fa fului ulu e tasi, talie na gaoi a ia mo le Atua i le aso nei. Ti na saofaki loa e le kakai a Sonatane, o leaise mate loa a ia.