Esaia 26:16 - Tosi Tapu

¹⁶ Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Esaia 26:16 ပူးပေါင်းရင်းမြစ်များ

Pesalemo 142:2

I loku leo e kau kalaga ki le Eteleno, I loku leo e kau tagi ki le Eteleno.

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 42:4

Ko laku nea kai i le ao mo le po ko oku loimata, Talie e leaise toe gato le pati mai kiate au : kofea lou Atua ?

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 77:3

I le aso o loku mamae, e kau afa le Aliki ; I le pouli, e leaise toe manavanava le siki o oku lima kiate ia. E leaise tali e loku laumalie se fakapelepele.

Pesalemo 78:34

Ka taai e ia latou ki le mate, na lotou toe afa loa a ia. Na lotou toe liliu loa ki le Atua, o afa lana tokoi ;

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Esaia 37:3

Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Selemia 29:12

E kotou kalaga mai loa kiate au, ti e kotou ano loa ; e kotou faikole mai loa kiate au, ti e kau fakalogo atu loa kia koutou.

Tagi laulau a Selemia 2:19

Tuu ki aluga, tagi laulau i le po katoa ! Liligi lou loto ofaipe se vai i mua o le Aliki ! Siki ou lima kiate ia o tupu ko le mauli o au fanau, Ala e mamate pakupaku i poko o ala fuli !

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Oseo 7:14

E leaise lotou tagi kiate au i lolatou loto, Kae e lotou lauga i lolatou moeaga ; E lotou fakatasi ke maua se fulumeto mo se vino, Ti e lotou fakamamao iate au.

Numelo 21:7

Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.

Tuifakamaau 10:15

Na pati loa fanau a Iselaele ki le Eteleno : kua motou agasala loa ; fai kia matou lou finegalo. Ko leia fua, saofaki matou i le aso nei !

Uluaki tosi a Samuele 1:15

Na tali loa a Ana : E leaise kau kona, ei loku aliki, kae ko se fafine au leia e mamae, ti na leaise kau inu ia se vino pe ko se kava ; kae na kau liligi loku laumalie i mua o le Eteleno.