Esaia 26:15 - Tosi Tapu

¹⁵ Ei Eteleno ! fakaliuliuga le kakai ! Fakaliuliuga le kakai, fakasa lou kololia ! Soloaki ki muli a koiga fuli o le fenua !

Esaia 26:15 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 23:27

Ti na pati loa le Eteleno : E kau toe sau foki mo Suta mei oku mua ofaipe laku sau Iselaele, ti e kau tiaki loa le kolo leinei ko Selusalemi leia na kau filifili, ti mo le fale leia na kau pati ki ai : E kau agai loa i ai.

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Sopo 12:23

E fakaapi e ia a puleaga, ti e toe maumaui e ia latou. E fakalasi e ia a puleaga ki mamao, ti e toe aumai e ia latou ki olatou koiga afea.

Esaia 10:22

Ei Iselaele, pe lasi loa lou kakai ofaipe le one o le mata tai, Ko se ga toetoega fai e toe liliu loa ; Kua fakapapau le maumau, e fakalaka loa a ia i le fakamaau.

Esaia 33:17

E tio loa ou mata ki le sau i lona fulumalie, E lotou tio loa ki le fenua i lona lasi katoa.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 6:12

E kaku ki le aso leia e fakamamao ai loa e le Eteleno a tagata, Ti e liliu ai loa le fenua ko se toafa lasi,

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 9:3

Talie ko le fa amo leia na taomi ia lona ua, Mo le tokotoko leia na ta ia lona tua, Mo le laakau leia na fakapopula ia a ia, Kua ke fatii latou, ofaipe le aso o Matiane.

Selemia 30:19

E malaga ake loa ia latou ni fakafetai, Ti mo ni kalaga fakafiafia ; E kau liuliuga loa latou, ti e leaise lotou toe lavaki loa ; E kau fakamauiga loa latou, ti e leaise fakanoai loa latou.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Esekiele 36:24

E kau too loa koutou i loto malie o atu puleaga, ti e kau fakatasii loa koutou i fenua fuli, ti e kau aumai loa koutou ki lokoutou fenua.

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Numelo 23:10

Ko ai leia e mafai ke lau ia le efu o Sakopo, Ti ke fakasa ia le lasi o le vaega fa o Iselaele ? Ke kau mate i le mate o le kakai agatonu lena, Ti ke tatau loku fakaoki mo lolatou !

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Soane 15:8

Kapau e kotou fua o lasi ai, e fakakololia loa i ai loku Tamana, ti e kotou liliu loa i ai ko aku tisipulo.

Soane 17:1

I le oki o lana masau a ia, na siki loa e Sesu ona mata ki le lagi, o pati : Tamana, kua soko le ola ! Fakakololia lou Alo, o tupu ke fakakololia a koe e lou Alo,

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.