Esaia 26:13 - Tosi Tapu

¹³ Eteleno, lomatou Atua, na pule kia matou ni iki ake a pule kese iate koe ; Kae kua motou fetapa ki lou suafa o tupu ko lou alofa toka tasi.

Esaia 26:13 ပူးပေါင်းရင်းမြစ်များ

Lua tosi o Koloniko 12:8

Kae e lotou popula loa kia Sisake, ti e lotou iloa loa le kesekese o le tausi kiate au mo le tausi ki puleaga o la ake fenua.

Esaia 10:11

Pe leaise kau fai loa ki Selusalemi mo ona fakatata Le nea leia na kau fai ki Samalia mo ona taulaatua ?

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 2:8

Kua apele le fenua i taulaatua ; Kua lotou punou i mua o le gaoiaga o olatou lima, I mua o le nea leia na fau e olatou maikao.

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Esaia 64:5

E motou fai fuli pe ni nea kelekele, Ti e fai lomatou faitotonu katoa pe se kofu kelekele ; E motou fefe fuli ofaipe se lau laakau, Ti e ave matou e amatou agaveli ofaipe le matagi.

Amosi 6:10

Ka too loa e se tasi o le famili se mate o tutu, Ti ka too loa e ia i le fale ona ivi, E pati loa a ia ki leia e nofo i muli o le fale : Pe koi toe se tasi mo koe ? Ti e tali loa le tagata lena : E leai se tasi… Ti e pati loa leia ake : fakaleemu ! E leaise ko le temi leinei ke too ai le suafa o le Eteleno.

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Soane 8:32

ti e kotou iloa loa le maoki, ti e fakalauatea loa koutou e le maoki.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Uluaki tosi ki le kau Kolinto 4:7

Talie ko ai e fakakese ia a koe ? Kolea e ke maua na leaise ke tali ? Ti kapau na ke tali le nea lena, kolea e ke fakakololia ai, o sakinake na leaise ke tali a ia ?

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.