Esaia 26:11 - Tosi Tapu

¹¹ Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 26:11 ပူးပေါင်းရင်းမြစ်များ

Sopo 34:27

Talie na lotou maliu kese iate ia, Talie na lotou tiaki ona ala,

Pesalemo 10:12

Eteleno, tuu ki aluga ! Ei Atua, siki lou lima, Aua na ke galoi le kau mativa !

Pesalemo 21:8

E fanaki le sau ki le Eteleno ; Ti e leaise siga a ia, o tupu ko le agamalie o le Taualuga.

Pesalemo 28:5

Talie e leaise lotou tokaga ki gaoi a le Eteleno, Ki le gaoiaga o ona lima. Ke maumaui e ia latou ti ke aua na toe lagai e ia latou ki aluga !

Pesalemo 78:63

Na kai loa e le afi ona tagata muli, Ti na leaise avaga loa ona taupoou.

Pesalemo 86:17

Fai se fakamailoga kiate au, Ke tio ki ai oku fili ti ke lotou laulaunoa ! Talie e ke tokoi kiate au, ti e ke fakapelepele au, ei Eteleno !

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Esaia 1:31

E fai loa le tagata makeke pe le taenato, Ti ko lana gaoi pe se masikai afi ; E la ulaula loa, leia mo leia fakatasi, Ti e leai loa se tasi ke tamate ia.

Esaia 10:16

Koia e kakau loa e le Aliki, e le Aliki o kau tau, Le fakalaulautetea ki ana kau solia makeke ; Ti e malaga loa se vela lasi i le lolotoga o lona kololia, Io, se vela o tatau mo leia o le afi.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 11:13

E puli loa le finenonofo o Efalaimi, Ti e tamate loa ona fili i Suta ; E leaise toe finenonofo loa Efalaimi kia Suta, Ti e leaise toe fili loa a Suta kia Efalaimi.

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 37:32

Talie e toe somo ake loa se ga toetoega i Selusalemi, ti mo ni iki na sao i le mauga o Sione. Ko lena le nea leia e fai loa e le alofa o le Eteleno o kau tau.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 44:18

E leaise lotou maua se atamai, e leaise lotou matala fua ki se nea, Talie na tapono olatou mata ke aua na lotou tio, Ti mo olatou loto ke aua na lotou matala.

Esaia 44:9

Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Esaia 66:24

Ti ka mavae loa mei ai, e tio loa Ki mate o latou ala na agatuu kiate au ; Talie e leaise mamate loa olatou ilo, ti e leaise toe mate loa lolatou afi ; Ti e lotou liliu loa ko se nea fakalialia ki le kakai katoa.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Esaia 9:18

Io, e tutu loa e le sausau o le Eteleno o kau tau le fenua, Ti e fai loa le kakai pe se nea kai a le afi ; E leaise saofaki loa e se tasi lona taina.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 44:28

Kae ko se ga toka teiki fua leia e sao loa i le seleta, ti e toe liliu loa mei le fenua o Esipito ki le fenua o Suta. Kae ko le ga toetoega fua o Suta, latou fuli ala kua au ki le fenua o Esipito ke nofo i ai, e lotou iloa loa pe ko laku folafola pe ko lalatou leia e soko loa.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Mikea 5:9

I le aso lena, e pati le Eteleno, E kau tamate loa i loto malie o ou au osi, Ti e kau maumaui loa au saliote tau ;

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Mikea 7:16

E tio loa ki ai a atu puleaga, ti e lotou luma loa, Logo ai lolatou makeke katoa ; E lotou tapono loa olatou gutu ki olatou lima, E tulituli loa olatou taliga.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Luka 16:23

I le nofoaga o le kau mate, na mamae lasi ai le tagata mou koloa ; ti na siki ake loa e ia ona mata ki aluga, ti na tio loa a ia mei mamao kia Apalaamo, ti mo Lasalo i ona tafa.

Gaoi 28:27

Talie kua liliu o fefeka le loto o le kakai lena ; Kua lotou fakatulituli olatou taliga, ti kua lotou tapono olatou mata, Ke aua na lotou tio i olatou mata, Ke aua na lotou logo i olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Epelo 10:27

kae ko se talitali fakaii ki le fakamaau ti mo se afi kaka leia e tutu ia loa le kau fili o le Atua.

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Uluaki tosi a Samuele 6:9

Ke kotou tioi loa lana ano : kapau e pale loa a ia i le ala ki le koiga o Iselaele, o ano ki Pete-Semesi, ti ko le Eteleno leia na tautea ia tatou ki le mamae lasi leinei ; ti kapau e leaise ano a ia i ai, e tou iloa loa e leaise ko le lima o le Atua leia na tautea ia tatou, kae na soko fakafuanoa le nea lena kia tatou.