Esaia 26:10 - Tosi Tapu

¹⁰ Kapau e tuku se kalasia ki le tagata agaveli, e leaise ako e ia le faitotonu, Kae e fai e ia le nea veli i le fenua o le maoki, Ti e leaise tokaga a ia ki le mafimafi o le Atua.

Esaia 26:10 ပူးပေါင်းရင်းမြစ်များ

Lua tosi o Sau 13:6

Kae na leaise lotou tiaki loa a agasala o le fale o Selopoamo, leia na fakaagasalai ia Iselaele ; ti na lotou toe muli loa i ai ; ti na tuu foki le fakatata o Asetalate i Samalia.

Pesalemo 106:43

Na saofaki loa e ia latou o tua lasi ; Kae na lotou fakasa loa lolatou agatuu i alatou manatu, Ti na lotou liliu loa o fakaaloalofa o tupu ko alatou agaveli.

Pesalemo 143:10

Ako mai kiate au le fai o lou finegalo, Talie ko koe ko loku Atua. Ke taki au e lou laumalie malie i le ala totonu !

Pesalemo 69:27

Talie e lotou fakaveliveli ki leia na ke taai, E lotou fakamatala a mamae o latou ala na ke tautea.

Ekesote 8:15

Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 9:30

Kae e kau iloa ko koe mo au tagata fakasausau, e leaise kotou i loa ki le Eteleno Atua.

Ekesote 9:34

I le tio a Falaone kua gato le ua, mo le ua fatu, ti mo le mana, na toe soko atu loa e ia lana agasala, o toe fakafefeka lona loto, o ona mo ana tagata fakasausau.

Taagapati 1:32

Talie ko le fakatutuu a le kau sala atamai e tamate ia latou, Ti ko le fakalotonoa a le kau vale e maumau ia latou ;

Ekelesiasi 3:16

Na kau toe tio ki le nea leinei i le lalo laa : I le ganea leia kua tuku ke fai ai le fakamaau e i ai le agaveli, ti ko le ganea leia kua tuku ki le faitotonu e i ai le agasala.

Ekelesiasi 8:11

Talie e leaise soko fakatavili se tautea ki leia e fai ia le veli, koia e apele ai a loto o vosa o tagata i le oli ke fai ia le veli.

Esaia 1:21

Kolea koia ! Kua liliu foki le kolo agatonu ko se fafine faiaga ! I mua na apele a ia i le fakaapaapa ki le lao, ti na nofo i ai le faitotonu ; Kae i le temi nei kua i ai ni tagata tukipo !

Esaia 2:10

Ke ke ulu ki ana o utu, Ti ke ke mumuni i le efu, O tupu ke ke sao i le sausau o le Eteleno Ti mo le makeke o lona agai.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 32:6

Talie e fakasa e le vale ni nea fakavale, Ti e afa e lona loto le veli, Ke fai ni agatuu ki le Atua Ti ke lau ni masau salasala ki le Eteleno, Ke tiaki noa le laumalie o leia e pakupaku, Ti ke too le nea inu a leia e fia inu.

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 31:23

E folafola le Eteleno o kau tau, le Atua o Iselaele, o pati : Ko leinei foki le tasi a nea e toe masau loa ki ai i le fenua o Suta ti mo ona kolo, Mo ka kau toe aumai loa olatou kau popula : Ke tapuaki le Eteleno kiate koe, nofoaga o le faitotonu, Mauga maokioki !

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Mateo 4:5

Na ave loa a ia e le Tiapolo ki le kolo tapu, o fakanofo i aluga o le fale tapu,

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Apokalipisi 2:21

Na kau tuku kiate ia se temi ke fakasemala ai, kae e leaise loto a ia ke fakasemala ki lana fai feauaki.

Uluaki tosi a Samuele 15:17

Na pati loa Samuele : I le temi leia na ke ikiiki ai ki ou mata, pe na leaise ke liliu loa ko le pule o faasiga o Iselaele, ti na leaise fakanofo loa a koe e le Eteleno ko le sau o Iselaele ?