Esaia 26:1 - Tosi Tapu

¹ I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 26:1 ပူးပေါင်းရင်းမြစ်များ

Esetalasi 3:11

Na lotou sua loa, o fakavikiviki ki le Eteleno, o pati : Talie e agamalie a ia, talie e tuumau lona manava alofa ki Iselaele ! Ti na kalaga fakafiafia loa le kakai katoa ki le Eteleno, i le teki o le fakatafito o le fale o le Eteleno.

Pesalemo 31:21

E ke puipui latou i le malu o ou mata ia latou ala e fakaveliveli kia latou, E ke puipui latou i lou falela i alelo ala e taui ia latou.

Pesalemo 48:12

E fakafiafia le mauga o Sione, E nekenekea a taineliki o Suta, O tupu ko au fakamaauaga.

Pesalemo 48:4

E iloa le Atua, i ona fale sau, ko se kolo ulufaga taualuga.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 14:31

Matapa, ke ke tagi ! Kolo, ke ke lauga ! Fenua katoa o le kau Filisitini, ke ke lulu ! Talie kua ifo mai se afu mei le potu noleto, Ti kua kopikopi fua a atu tau o le fili.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:20

I le aso lena, e tiaki loa e tagata Olatou taulaatua siliva mo olatou taulaatua aulo, Ala na lotou fau ke lotou atolasio ki ai, ki kimoa mo pekapeka ;

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 31:5

Ofaipe ni manu lele ala e folasi ia olatou kapakau i aluga o olatou uviki, E tatau foki mo le Eteleno o kau tau, e folasi ia loa lana puipui ki Selusalemi ; E puipui loa e ia ti e saofaki loa e ia, E tuku loa e ia ti e fakamauli loa e ia.

Esaia 31:9

E sola loa lona utu i lona i, Ti e lulu loa lona kau pule i mua o le manumanu ; E pati le Eteleno, leia e tuu lana afi i Sione, Ti mo lana gutuumu kaka i Selusalemi.

Esaia 33:5

E taualuga le Eteleno, Talie e nofo a ia i aluga ; E fakaapele e ia Sione I le faitotonu mo le maokioki.

Esaia 33:6

E fimalie loa ou aso ; Ko le poto mo le iloa o le Eteleno ko se matapuna o le fakamauli ; Ko le i ki le Eteleno, Ko lena le koloa o Sione.

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esaia 5:1

E kau sua loa ki loku alofaaga Le katiko o loku alofaaga ki lana vite. Na maua e loku alofaaga se faisaga vite, I se mauga kele mauli.

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 62:10

Kotou ulu, kotou ulu i matapa ! Kotou teuteu se ala ki le kakai ! Kotou fakalauatea ! Kotou fakalauatea le ala, kotou too a fatu ! Kotou toso se manumanu ki kakai !

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Esekiele 40:5

Ti ko leinei, na i ai se kaua leia na takatakai ia le fale i ona fetuu fuli. Ti na i ai i le lima o le tagata se fa u meta tolu ke fuafua ai. Ti na fua loa e ia le matotolu o le kaua leia na meta tolu, mo le taualuga, leia na meta tolu.

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Numelo 21:17

Ti na sua loa e fanau a Iselaele le katiko leinei : Ke kotou apelepele, ei sosoni ! Ke kotou sua fakavikiviki kiate ia !

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.