Esaia 24:8 - Tosi Tapu

⁸ Kua gato le fiafia o nafa, Kua oki le fiafia logoa, Kua gato le fiafia o le alepe.

Esaia 24:8 ပူးပေါင်းရင်းမြစ်များ

Sopo 3:7

Io, ke paa le po lena, Ti ke aua na toe logo i ai se kalaga fakafiafia !

Sopo 30:31

Kua tagi laku alepe ; Ti kua mamae laku salumo.

Pesalemo 137:2

Ki sole o le fenua Na motou tautau amatou alepe.

Esaia 16:10

Kua pupuli le fiafia, mo le nekenekea i ganea faisaga ; E leaise koi logo ki ni sua mo ni kalaga fiafia i faisaga vite ! E leaise koi takatakafi e le tagata tau vite le vino i fa tane vino ; Kua kau fakagato a kalaga fakafiafia.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Esaia 5:14

Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Selemia 16:9

Talie e folafola le Eteleno o kau tau, le Atua o Iselaele, o pati : Ko leinei, e kau fakagato loa i le ganea leinei, i okoutou mua, i okoutou aso, A kalaga fakafiafia mo kalaga nekenekea, A sua a le tama feauaki mo sua a le taine feauaki.

Selemia 25:10

E kau fakagato loa ia latou a kalaga fakafiafia mo kalaga nekenekea, a sua a le tama feauaki mo sua a le taine feauaki, le logoa o le fatu fakamalu fulumeto mo le ula o le malama.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Tagi laulau a Selemia 5:14

E leaise koi ano le kau matua ki le matapa, E leaise koi sua le kau tagata tupulaga.

Esekiele 26:13

E kau fakagatogato loa le logoa o au sua, ti e leaise toe logo loa ki le musika o au alepe.

Esekiele 28:13

Na ke nofo i Eteni, i le oloto o le Atua ; Na kofu a koe ki fatu mauiga fuli, Ki le saletuane, mo le topasi, mo le taimane, Ki le kilisolite, mo le onise, mo le sasepe, Ki le safile, mo le kelenate, mo le emelote ti mo le aulo : I le aso leia na fakatupu ai a koe, Na ke teu ki ni nea fakateuteu mauiga.

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Amosi 6:7

Koia leia e taki ai loa latou i mua o le kau popula ; Ti e gato loa a kalaga fiafia a le kau fai lafeti lena !

Apokalipisi 18:22

Ti e leaise toe logo loa iate koe ki le leo o le kau ta alepe, mo le kau fai musika, mo le kau pupusi fulute, ti mo le kau pupusi fakatagi. E leaise toe maua loa iate koe se tufuga e tasi, ti e leaise toe logo loa iate koe ki le tatagi o le fuaga ;