Esaia 24:6 - Tosi Tapu

⁶ Koia kua kai le fenua e le malaia, Ti kua amo e lona kakai le tua o alatou agasala ; Koia e mamate ai a kakai o le fenua, Kae toe fua se ga toka teiki.

Esaia 24:6 ပူးပေါင်းရင်းမြစ်များ

Lua tosi o Sau 24:12

Ti na ano loa Sosakini, sau o Suta, ki le sau o Papilone, mo lona tinana, mo ana tagata fakasausau, mo ana kau tagata pule, ti mo ana kau enuke. Ti na fakapilisoni loa a ia e le sau o Papilone i le fetuu valu o lana sau.

Lua tosi o Sau 25:12

Kae na tuku loa e le pule o le solia ni iki o le kau mativa o le fenua ke tausi ki vite mo gaoi ki faisaga.

Esaia 1:31

E fai loa le tagata makeke pe le taenato, Ti ko lana gaoi pe se masikai afi ; E la ulaula loa, leia mo leia fakatasi, Ti e leai loa se tasi ke tamate ia.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 34:5

Kua kona laku seleta i le atu lagi ; Ko leinei, ka ifo a ia ki Etome, Ki le kakai leia na kau tuku ki le maumau, ke tautea ai a ia.

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Selemia 12:4

E kaku loa ki afea le tagi o le kele, Ti mo le gini o le vao o faisaga fuli ? O tupu ko le agaveli o latou e nonofo i ai. Kua pupuli a manu vae fa mo manu lele, Talie lotou pati : E leaise tio loa a ia ki lotatou ikuaga.

Selemia 5:14

Koia e folafola ai le Eteleno, le Atua o kau tau, o pati : O tupu na kotou pati le nea lena, Ko leinei, e kau loto ke fai laku folafola i lou gutu pe se afi, Ti ke fai le kakai leinei pe se fafie, Ti ke tutu a ia e le afi lena ke okioki.

Esekiele 5:3

E ke too loa se ga lukuga fului ulu, ti e ke nonoa loa a ia ki le tapatapa o lou kofu.

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Malakia 3:9

Kua taai koutou e le malaia, Kae e kotou kakaai au, E le puleaga katoa !

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Malakia 4:6

E toe aumai loa e ia le loto o tamana ki alatou fanau, Ti mo le loto o fanau ki olatou tamana, Ti ke aua na kau au o taai le fenua ki le malaia.

Mateo 27:25

Ti na tali loa le kakai katoa : Ke vilo lona toto kia matou mo amatou fanau !

Mateo 7:14

Kae e lau ikiiki le matapa, ti e lau ikiiki mo le ala leia e ano ki le mauli, ti e toka teiki fua latou ala e maua ia a ia.

Loma 9:27

Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.

Tetelonome 28:62

I le oki o lou toka api o tatau mo fetuu o le lagi, e kotou toe loa ko se ga toka teiki fua, o tupu na leaise ke fakalogo loa ki le leo o le Eteleno, lou Atua.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.