Esaia 24:23 - Tosi Tapu

²³ E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 24:23 ပူးပေါင်းရင်းမြစ်များ

Pesalemo 97:1

E sau le Eteleno ; ke fiafia lasi le malama nei ; Ke fiafia a atu motu mauke !

Ekesote 15:21

Na tali loa Malia ki fanau a Iselaele, o pati : Kotou sua ki le Eteleno, talie kua fakasa e ia lona kololia ; Na laku e ia ki le tai le osi mo le tagata ekeosi.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 33:17

E tio loa ou mata ki le sau i lona fulumalie, E lotou tio loa ki le fenua i lona lasi katoa.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Esaia 60:19

E leaise ko le laa loa leia e fakamalama ia loa a koe i le ao, Ti e leaise ko le masina loa leia e fakamalama ia loa a koe i le pouli ; Talie e liliu loa le Eteleno ko lou malama o lee gato, Ti e liliu loa lou Atua ko lou kololia.

Esaia 60:20

E leaise toe to loa lou laa, Ti e leaise toe fakapouli loa lou masina ; Talie e liliu loa le Eteleno ko lou malama o lee gato, Ti e gato loa a aso o lou mamae.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Taniela 7:18

kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Soele 3:15

Kua fakapouli le laa mo le masina, Ti kua puli le gigila o fetuu.

Apetiasi 1:21

E pale ake loa ni tagata fakamauli ki le mauga o Sione, O fakamaaui le mauga o Esau ; Ti e maua loa e le Eteleno le pule fakasau.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Sakalia 14:6

I le aso lena, e leaise i ai loa se malama ; E i ai loa se momoko lasi mo se aisi.

Sakalia 14:7

E toka tasi loa le aso lena, ti e iloa a ia e le Eteleno toka tasi, E leaise ao loa a ia pe pouli. Kae e sa loa le malama i le afiafi.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Mateo 6:10

ke aumai lou pule ; ke fai lou finegalo i le kele ofaipe i Selo.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Epelo 12:22

Kae kua kotou fakafeofi ki le mauga o Sione, ki le kolo o le Atua mauli, ki le Selusalemi i Selo, ki miliate mo miliate o le kau aselo,

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 14:1

Ti na kau tio loa, ti ko leinei, na tuu le Akeno i le mauga o Sione, ti na tuu mo ia se kakai ko le tino lelau tino fa tupu fa afe, ala kua tosi i olatou lae lona suafa ti mo le suafa o lona Tamana.

Apokalipisi 19:4

Ti ko kau matua e tino lua tupu fa, mo manu mauuli e fa, na tulolo loa, o atolasio ki le Atua leia e ekeeke i le ekeekeaga fakasau, o pati : Amene ! Aleluia !

Apokalipisi 19:6

Ti na kau logo loa ofaipe le leo o se kakai toka api, ofaipe se gugulu o ni vai lalasi, ofaipe se gugulu o ni mana makeke, o pati : Aleluia ! Talie kua ulu le Aliki, lotatou Atua Mafimafi, ki lona puleaga.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.