Esaia 24:21 - Tosi Tapu

²¹ I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Esaia 24:21 ပူးပေါင်းရင်းမြစ်များ

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 24:4

Kua mamae le fenua, ti kua gaegae a ia ; Kua mamae le kakai ti kua masamasaki ; Kua sala makeke a pule o le kakai.

Esaia 60:11

E mavaa tuumau loa ou matapa, E leaise lotou toe mapono loa i le ao mo le pouli, O tupu ke tuku ke ulu mai kiate koe a koloa fufu o atu puleaga, Ti mo olatou sau mo olatou famili.

Esekiele 39:1

Ti ko koe, vosa o le tagata, kikite ki Koke ! E ke pati loa : E folafola le Aliki, le Eteleno, o pati : Ko leinei, e kau mamafa kiate koe Koke, Pule o Loseke, mo Meseke, mo Tupale !

Esekiele 39:5

E ke vilo loa i aluga o le kele, Talie na kau masau, e pati le Aliki, le Eteleno.

Soele 3:19

E maumau loa Esipito, E liliu loa Etome o toafa, O tupu ko agamakeke ki fanau o Suta, Ala na lotou liligi le toto saosaoa i lolatou fenua.

Sofoni 1:8

I le aso o le sakilifisio a le Eteleno, E kau tautea loa a aliki mo vosa o le sau, Ti mo latou fuli ala e kofu ki ni kofu matapule.

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Apokalipisi 18:9

Ti ko sau fuli o le malama nei, ala na fai feauaki mo ia ti na mauli mo ia i le mou koloa lasi, e tagi loa mo lauga loa o tupu ko ia, mo ka lotou tio loa ki le afu o lona vela.