Esaia 24:18 - Tosi Tapu

¹⁸ Ko leia e sola i mua o kalaga fakaii kua vilo ki le popoko ; Ti ko leia e toe pale ake i le popoko kua pikiia i le masele ; Talie kua mavaa a matapa o le lagi, Ti kua galulu a fakatafito o le malama nei.

Esaia 24:18 ပူးပေါင်းရင်းမြစ်များ

Senesi 19:24

I le temi tonu lena, na fakavilo loa e le Eteleno mei le lagi ki Sotoma mo Komola se ua fatu kaka mo se afi.

Senesi 7:11

I le fetuu kau lelau ono o le mauli o Noe, i le lua masina, i le aso kau agafulu tupu fitu o le masina, i le aso lena na mapusi loa a matapuna fuli o le moana lasi ki aluga, ti na mavaa loa a matapa o le lagi.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Sopo 20:24

Kapau e sao a ia i masafu ukamea, Kae lavea loa a ia i le kalolo sila.

Pesalemo 18:15

Na fana loa e ia ana gasau, ti na veteki loa e ia oku fili, Na liuliuga loa e ia a fatuliki, ti lotou sosola loa.

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Pesalemo 18:8

Na lui loa le malama nei ti na lulu loa a ia. Na galulu loa a tafito o mauga, Ti na lotou sisiga loa, talie na ita le Eteleno.

Ekelesiasi 9:12

E leaise iloa foki e le tagata lona lakaga, ofaipe ni ika ala kua piki mamate i le kupega, mo ni manu lele ala kua piki i le masele ; e pikiia foki a vosa o le tagata i le aso o le malaia, mo ka vilo fakapunamauli a ia kia latou.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 2:21

Kae lotou ulu loa ki mafaa o utu Ti mo pu o fatu, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 42:22

Kae ko se kakai kua kaia ona koloa, ti kua nofo telefua ! Kua saisai latou fuli ki ni tini i ni ana, Ti kua fufu latou i ni fale pilisoni ; Kua tuku latou ki le kaia, ti e leaise tasi fua ke saofaki ia latou ! Kua kaia olatou koloa fuli, ti e leaise pati se tasi : Ke toe fakaliliu !

Esaia 8:14

Ti e soko loa a ia ko se sagatualio, Kae e toe liliu foki a ia ko se fa fatu fakatupu tukia, Ko se utu fakatupu siga ki fale e lua o Iselaele, Ko se kupega mo se masele Ki le kakai o Selusalemi.

Selemia 48:43

Ko le i, mo le popoko, ti mo le kupega, Kua ifo kiate koe, kakai o Moape ! E pati le Eteleno.

Selemia 48:44

Ko leia e sola i mua o le i e vilo ki le popoko, Ti ko leia e pale ake i le popoko e pikiia i le masele ; Talie e kau kakau mai kiate ia, kia Moape Le fetuu o lona tautea, e pati le Eteleno.

Tagi laulau a Selemia 3:47

Ko lomatou vaega ko le i mo le popoko, Mo le kaia mo le maumau.

Esekiele 11:8

E kotou i ki le seleta, Kae e kau kakau mai loa kia koutou le seleta, E pati le Aliki, le Eteleno.

Esekiele 12:13

E kau folasi loa laku kupega kiate ia, Ti e maua loa a ia i laku masele ; E kau ave loa a ia ki Papilone, ki le fenua o le kau Kaletea ; Kae e leaise tio loa a ia ki ai, ti e mate loa a ia i ai.

Esekiele 15:7

E kau fakaaga loa oku mata kia latou. Na lotou sao i se afi, kae e tutu loa latou e se tasi a afi. Ti e kotou iloa loa ko au ko le Eteleno, Mo ka kau fakaaga loa oku mata kia latou.

Amosi 5:18

Malaia kia latou ala e oli ki le aso o le Eteleno ! Kolea le nea leia e kotou talitali ki ai i le aso o le Eteleno ? Ki se aso manuia ? Leai, talie ko se aso fakapouli.

Amosi 5:19

E kotou fai loa pe se tagata leia e sola i mua o se laione, Ti e felavei loa mo se uluso, Pe leia e ano ki lona fale, o teki lona lima ki le paa, ti uuti e se gata.