Esaia 24:16 - Tosi Tapu

¹⁶ E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Esaia 24:16 ပူးပေါင်းရင်းမြစ်များ

Pesalemo 106:15

Na soli loa e ia kia latou le nea leia na lotou kole ; Ti na kakau loa e ia le fakalaulautetea ki olatou tino.

Pesalemo 119:158

E kau tio ki le kau kaka ti e kau fakalialia, Talie e leaise lotou tausi lau folafola.

Pesalemo 2:8

Kole mai kiate au ti e kau soli atu loa kiate koe a atu puleaga ko lou tofiga, Mo potupotu o le kele ma au.

Pesalemo 58:10

I mua o le sauga o le afi na tafu ki se laakau talatala i akoutou kulo, Pe mata pe ulaula, e ave loa a ia e le asesio.

Pesalemo 65:8

E lolomi e ia le gugulu o atu tai, le gugulu o olotou galu, Ti mo le maveuveu o atu puleaga.

Pesalemo 67:7

E soli e le kele ona fua ; Ko le Atua, lomatou Atua, e tapuaki kia matou.

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Esaia 10:16

Koia e kakau loa e le Aliki, e le Aliki o kau tau, Le fakalaulautetea ki ana kau solia makeke ; Ti e malaga loa se vela lasi i le lolotoga o lona kololia, Io, se vela o tatau mo leia o le afi.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 17:4

I le aso lena, e gaegae loa le kololia o Sakopo, Ti e puli loa le gako o lona tino.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 26:15

Ei Eteleno ! fakaliuliuga le kakai ! Fakaliuliuga le kakai, fakasa lou kololia ! Soloaki ki muli a koiga fuli o le fenua !

Esaia 28:5

I le aso lena, e liliu loa le Eteleno o kau tau Ko se pala gigila, ti ko se teu fulumalie Ki le toetoega o lona kakai,

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 3:20

Kae na kotou kaka mai kiate au, fale o Iselaele, Ofaipe se fafine kaka leia na tiaki ia lona avaga, E pati le Eteleno.

Selemia 5:11

O tupu na agatuu kiate au le fale o Iselaele mo le fale o Suta, E pati le Eteleno.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.

Oseo 6:7

Kua lotou maumaui laku sai ofaipe la ake tagata ; Koia leia kua lotou agatuu ai kiate au.

Levitiko 26:39

Ti ko latou ala e sao loa i le mate i fenua ana, e tautea loa ki le gaegae o tupu ko alatou agasala ti mo agasala o olotou tupuna.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Apakuki 1:3

Kolea e ke fakatio ai au ki le agaveli, Ti e ke tio ai ki le lee faitotonu ? Kolea e tuu ai le fakaveliveli mo le fakamakeke i oku mua ? I ganea fuli, e malaga ake ni fakamaau mo ni fefele.

Maleko 13:27

Ti e kakau loa e ia le kau aselo, ti e tanaki fakatasi loa e ia le kau filifiliia mei fetuu matagi e fa, mei le gatoaga o le kele ki le gatoaga o le lagi.

Gaoi 13:47

Talie ko le fakatotonu a ia leia na tuku mai e le Aliki kia maua : Na kau fakanofo a koe ke liliu ko le malama o puleaga, Ke ave ia le fakamauli o kaku ki potupotu o le malama nei.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !