Esaia 24:10 - Tosi Tapu

¹⁰ Kua maumau le kolo lavaki ; Ti kua maponopono a fale fuli, e leaise koi ulu ki loto.

Esaia 24:10 ပူးပေါင်းရင်းမြစ်များ

Senesi 11:9

Koia leia na tuku ai loa ki le kolo lena le igoa ko Papele, talie ko le ganea lena na veuki ai e le Eteleno le masau o le malama nei katoa, ti ko le ganea lena na fakamavetevete ai latou e le Eteleno i aluga o le malama nei katoa.

Lua tosi o Sau 25:4

Ti na fai loa se pu i le paa o le kolo ; ti na sosola loa a tagata tau fuli o Suta i le pouli, i le ala o le matapa i vasa o paa ala e ofi ki le oloto o le sau, kae na lolotoga takatakai e le kau Kaletea le kolo. Na too loa e le kau tagata ala na sosola le ala o le toafa.

Esaia 23:1

Folafola a le Atua ki Tile. Kotou fetagisi, koutou ko vaka o Talesisi ! Talie kua maumau a Tile : e leaise koi toe se fale ! e leaise koi maua se matapa ! Na kaku mai le logo kia latou mei le fenua o Kitimi.

Esaia 24:12

Kua nofo le maumau i le kolo, Ti kua popo a matapa, ala na maumaui.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Esaia 26:5

Na fakaifo e ia ki lalo latou ala na nonofo i ganea taualuga, Na tuku e ia ki lalo le kolo fia nealasi, Na peesi e ia a ia ki le kele, Na fakasogi e ia a ia ki le efu.

Esaia 27:10

Talie kua tuu toka tasi le kolo tau, Ti kua liliu a ia ko se nofoaga kua tiaki noa mo lavaki ofaipe se toafa ; E kai mutie i ai le uviki pipi, e moe a ia i ai, ti e kai lau laakau a ia i ai.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 32:19

Kae e taotao loa le vaomatua e le ua fatu, Ti e tuku loa le kolo ke taulalo.

Esaia 34:11

E maua loa a ia e le pelikano mo le eliso, E nonofo loa i ai le lulu mo le kolopo. E fao loa i ai le afo o le lavaki, Ti mo le nivo o le maumau.

Selemia 39:4

I le tio loa a Setesiasi, sau o Suta, mo kau tagata tau fuli kia latou, na lotou sosola loa, ti na lotou mavae loa mei le kolo i le pouli i le ala o le oloto o le sau, mo le matapa i loto o paa e lua, ti na lotou too loa le ala o le toafa.

Selemia 39:8

Ti na tutu loa e le kau Kaletea ki le afi le fale o le sau mo fale o le kakai, ti na lotou maumaui loa a paa o Selusalemi.

Selemia 52:7

Ti na fai loa se pu i le kolo, ti na sosola loa a tagata tau fuli, o mavae mei le kolo i le pouli, i le matapa leia i loto o paa e lua, feofi ki le oloto o le sau, kae na lolotoga takatakai le kolo e le kau Kaletea. Na too loa e latou ala na sosola le ala ki le toafa.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Luka 19:43

E soko mai loa kiate koe ni aso ala e takatakai ai loa a koe e ou fili ki ni popoko, o taui a koe, ti mo tapotapono a koe i potu fuli ;

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,