Esaia 24:1 - Tosi Tapu

¹ Ko leinei, kua maumaui e le Eteleno le fenua, o fakaliliu a ia ko se toafa ; Kua fakamaveuveu e ia le malama nei, ti kua fakamavetevete e ia lona kakai.

Esaia 24:1 ပူးပေါင်းရင်းမြစ်များ

Lua tosi o Sau 21:13

E kau maumaui loa Selusalemi ofaipe laku maumaui Samalia mo le famili o Akapo ; e kau fufulu loa Selusalemi ofaipe se pa leia e fufulu, ti e fakapulou i le oki o lona fufulu.

Neemia 1:8

Manatui le folafola leinei na ke fakatotonu kia Moisese, lau tagata fakasausau, ke fakasa e ia : Ka kotou agasala loa, e kau veteki loa koutou i lotolotoga o puleaga ;

Pesalemo 146:9

E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 24:19

Kua mafaa le kele, Kua matuletule le malama nei, Kua siga a ia ki lalo.

Esaia 24:20

Kua matuletule le malama nei ofaipe se tagata kona, Kua matule a ia ofaipe se fale pola ; Kua taomi a ia e lana agasala, Kua siga a ia ki lalo, Ti e leaise toe tuu ake a ia ki aluga.

Esaia 27:10

Talie kua tuu toka tasi le kolo tau, Ti kua liliu a ia ko se nofoaga kua tiaki noa mo lavaki ofaipe se toafa ; E kai mutie i ai le uviki pipi, e moe a ia i ai, ti e kai lau laakau a ia i ai.

Esaia 29:16

E maoki ai lokoutou fakalialia ! Pe tonu ke fakatatau le tagata faiipu mo le kele kula, Ke pati le gaoiaga ki le tagata gaoi : Na leaise fai e ia a au ? Ke pati ai le ipu ki le tagata faiipu : E leai sona atamai ?

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 30:32

I fa ta fuli a le laakau leia na teuteu kiate ia, Ti e fakavilo loa e le Eteleno kiate ia, E logo loa ki tapulini mo alepe ; E tau loa le Eteleno kiate ia i se lima makeke.

Esaia 32:12

E pa le fatafata I le manatu ki le fulumalie o faisaga fulumeto Ti mo le fua o faisaga vite.

Esaia 33:9

Kua nofo le fenua i le putu, i le loto mamae ; Kua luma Lipane, ti kua gaegae ; Kua fai le Saloni pe se toafa ; Kua lu e le Pasani mo le Kalemelo a lau o ola laakau.

Esaia 34:10

E leaise toe mate loa a ia i le ao mo le pouli, E malaga loa lona afu o lee gato. E lavaki loa a ia i tautupu mo tautupu, E leaise fakalaka loa i ai se tasi i se aso.

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esaia 42:15

E kau maumaui loa a mauga lalasi mo mauga liliki, Ti e kau fakamalo ia loa le lau laakau sesega katoa ; E kau fakaliliu loa a vaitafe ko se kele fefeka, Ti e kau fakamasa loa a vai tanaki.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 40:15

Ti na pati fakafufu loa Sokanane, vosa o Kalease, kia Ketalia i Misipa : Fakataga mai ke kau ano o tamate Isemaele, vosa o Netania. E leaise iloa loa a ia e se tasi. Kolea e tamate ai loa e ia a koe ? Kolea e mavetevete ai loa latou fuli o Suta ala kua fakatasi mai kiate koe ? ti kolea e mate ai loa le toetoega o Suta ?

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 51:34

Ko Nepukatenesale, sau o Papilone, na kai ia au ti na maumaui ia au ; Na fakaliliu e ia au ko se ipu masa ; Pe se talakone, na folo e ia au, Na fakaapele e ia lona manava ki nea ala na mauiga kiate au ; Na kapu e ia au.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Esekiele 12:20

E maumau loa a kolo ala na apiapi, Ti e liliu loa le fenua ko se toafa. Ti e kotou iloa loa ko au ko le Eteleno.

Esekiele 24:11

Ti teki le kulo lavaki ki aluga o malala kaka, o tupu ke vevela a ia, ti ke kula lona ukamea ; ti e puli loa le fakalialia leia i loto, ti e maumaui loa le kelemea.

Esekiele 35:14

Koia e folafola ai le Aliki, le Eteleno : I le aso leia e fiafia ai loa le fenua katoa, E kau fakaliliu loa a koe ko se fenua lavaki.

Esekiele 5:14

E kau fakaliliu loa a koe ko se toafa, ko se nea fakalumaluma ki puleaga ala e nonofo i lou takatakai, mo latou fuli ala e fakalaka i ou tafa.

Esekiele 5:2

Ke ke tutu loa le vaega e tasi i le afi, i loto malie o le kolo, mo ka oki loa a aso o le taui o le kolo ; ke ke too loa le tasi vaega, ti ke tuutuu loa a ia ki le matai tele i le takatakai katoa o le kolo ; ti ke laku loa le vaega fakaoki ke viligia i le matagi ; ti e kau too loa le seleta, o kapu ai latou.

Esekiele 6:14

E kau siki loa loku lima kia latou, Ti e kau fakaliliu loa le fenua ke toe lavaki ake mo malo ake I le toafa o Tipela, I ganea fuli ala e lotou nonofo ai. Ti e lotou iloa loa ko au ko le Eteleno.

Esekiele 6:6

I ganea fuli ala e kotou nonofo ai, e maumau loa okoutou kolo, Ti e tiaki loa okoutou ganea taualuga ; E popo loa okoutou aletale o tuu noa, Ti e fatifatii loa okoutou taulaatua o pupuli, Ti e laku loa okoutou fakatata o le laa ki lalo, Ti e puli noa loa akoutou gaoiaga fuli.

Esekiele 7:12

Kua soko mai le temi, kua ofi mai le aso ! Ke aua na fiafia leia e totogi, Ke aua na mamae leia e fakatau ! Talie kua mapaa le sausau ki le kakai katoa.

Esekiele 7:14

Kua pupusi le fakatagi pupusi, kua tokamalie nea fuli, Kae e leaise saele se tasi ki le tau ; Talie e vilo loku sausau ki le kakai katoa.

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Naume 2:10

Kotou kaia le siliva ! Kotou kaia le aulo ! E ia ni koloa lee oki, Ni koloa mauiga kesekese.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Gaoi 17:6

Ti i lalatou leaise maua laua, na lotou ave loa Sasone mo ni iki fetaina ki mua o le kau pule o le kolo, o kalaga : Kua fakamaveuveu e latou anei le malama nei katoa, ti kua lotou kaku mai foki ki leinei, ti na fakatalitali latou e Sasone.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 32:26

Na kau manatu loa ke maumaui latou, Ti ke soloi oki olatou igoa i aluga o le kele.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !