Esaia 23:9 - Tosi Tapu

⁹ Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 23:9 ပူးပေါင်းရင်းမြစ်များ

Sopo 12:21

E liligi e ia le vesiainai ki le kau mauiga ; E fakagaga e ia le kilii pipi o le kau makeke.

Pesalemo 107:40

E fakamamaei e ia le kau lalasi, Ti e fakafoli e ia latou i ni toafa sala ala.

Ekesote 8:4

Na kalagai loa e Falaone a Moisese mo Alone, o pati : Kolua kole ki le Eteleno ke fakamamao a kelenui meiate au mo loku kakai ; ti e kau tuku loa le kakai ke ano o momoli ni sakilifisio ki le Eteleno.

Esaia 10:33

Ko leinei, ko le Aliki, le Eteleno o kau tau, E fatifatii ia a laa o laakau i se makeke lasi : Kua tuuti a laa lalasi, Kua tuku ki lalo a laa taualuga.

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 14:24

Kua fakapapau le Eteleno o kau tau, o pati : Io, e soko loa le nea leia na kau fakatotonu ki ai ; E soko maoki loa le nea leia na kau loto ki ai.

Esaia 14:26

Ko lena le nea leia kua kau fakapapau ki le malama nei katoa ; Ko lena le nea leia e fai loa e loku lima falo ki atu puleaga fuli.

Esaia 14:27

Kua too e le Eteleno o kau tau le fakapapau lena : Ko ai e fakafesagai loa ki ai ? Kua siki lona lima, ko ai e peluki ia loa a ia ?

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 23:10

Taine o Talesisi, kua oki le popula ! Ke ke eva faitalisa i lou fenua, Ofaipe le faifaitalisa o le Nile !

Esaia 32:13

I le kele o loku kakai Kua tupu a laakau talatala mo vao sukisuki, I fale fakafiafia fuli O le kolo o le fiafia.

Esaia 5:13

Koia e ave fakapunamauli loa loku kakai o fakapopula : E mamate loa ona kau lalasi i le fia kai, Ti e mamate loa lona kakai toka api i le fia inu.

Esaia 9:15

Ko le kau takitaki o le kakai leinei e fakasese ia a ia, Ti e puli noa latou ala e fakalogo.

Selemia 13:9

E folafola le Eteleno, o pati : E kau maumaui feneeki loa le fia nealasi o Suta Ti mo le laukau lasi o Selusalemi.

Selemia 51:62

Ti e ke pati loa : Eteleno, ko koe leia na fakasa ia e maumaui loa le ganea leinei, ti e leaise toe nofoi loa a ia e se tagata pe ko se manu, kae e liliu loa a ia ko se toafa o lee gato.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Apetiasi 1:2

Ko leinei, e kau fakaliliu loa a koe o ikiiki i lotolotoga o atu puleaga, E ke liliu loa ko le nea fakagologolo.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 3:11

o mulimuli ki le fakatuutuu lee gato leia na fai e ia ia Sesu-Kilisito lotatou Aliki ;

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.