Esaia 23:13 - Tosi Tapu

¹³ Tio ki le kau Kaletea, leia na leaise ko se kakai i mua, Na lotou nonofo i le toafa, ti na fakatuu e le Asilia se fenua kiate ia ; Kua lotou fakatuu ni tule, kua lotou maumaui a fale sau o Tile, Kua lotou fakaliliu latou ko ni tuuga fale maumau.

Esaia 23:13 ပူးပေါင်းရင်းမြစ်များ

Senesi 11:28

Ti na mate loa Alane i mua o lona tamana ko Telake, i le fenua leia na tupu ai, i Ulu i Kaletea.

Senesi 11:31

Na too loa e Telake lona vosa ko Apalamo, mo Lote, vosa o Alane, vosa o lona vosa, ti mo Salai, lona fugao, avaga o Apalamo lona vosa. Ti na lotou mavae fakatasi loa mei Ulu i Kaletea, o ano ki le fenua o Kanaane. Na lotou kaku loa ki Salani, ti na lotou nofo loa i ai.

Senesi 11:9

Koia leia na tuku ai loa ki le kolo lena le igoa ko Papele, talie ko le ganea lena na veuki ai e le Eteleno le masau o le malama nei katoa, ti ko le ganea lena na fakamavetevete ai latou e le Eteleno i aluga o le malama nei katoa.

Senesi 2:14

Ko le igoa o le tolu vaitafe ko Itekele ; ko ia leia e tafe i le potu esite o Asilia. Ko le vaitafe ko le Eufalate.

Lua tosi o Sau 17:24

Na aumai loa e le sau o Asilia ni kakai mei Papilone, mo Kuta, mo Ava, mo Amate, mo Sefalevaimi, ti na fakanonofo loa e ia latou i kolo o Samalia, o fetogi ai fanau a Iselaele. Na lotou maua loa Samalia, ti na lotou nonofo loa i ona kolo.

Lua tosi o Sau 20:12

I le temi lena, na ave loa e Pelotake-Palatane, vosa o Palatane, sau o Papilone se tosi mo se nea alofa kia Esekiasi, talie na logo a ia ki le masaki o Esekiasi.

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Sopo 1:17

Koi lolotoga masau a ia, kae kaku mai se tasi ake tagata avelogo, o pati : Ko se kau Kaletea, na vaega tolu, na osoi ia a kamelo o ave, kae lotou tamate ki le seleta a tagata fakasausau. Ti na kau sao, au toka tasi, o aumai le logo kiate koe.

Pesalemo 72:9

I ona mua, e peluki loa e le kakai o le toafa olatou tuli, Ti e epo loa e ona fili le efu.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 10:7

Kae na leaise tio fenaaki a ia, Ti na leaise manatu fenaaki lona loto ; Na manatu ata a ia ke maumau mo fakapuli ni puleaga mauke.

Esaia 13:19

Ti ko Papilone, le teuga o puleaga, Le fia tagataaga o le kau Kaletea, E fai loa pe Sotoma mo Komola, ala na maumaui e le Atua.

Esaia 13:21

E fai loa i ai e manu o le toafa olatou nofoaga : E nofo loa a lulu i ona fale, Ti e fai loa i ai e otulusi olotou nofoaga, Ti e soposopo loa i ai a koti.

Esaia 18:6

E tiaki loa latou fuli ki manu lele fekai o mauga Ti mo manu o le kele ; E kai loa e manu lele fekai olatou mate i le temi vevela katoa, Ti e kai loa latou e manu o le kele i le temi momoko.

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Esekiele 23:23

A fanau o Papilone ti mo le kau Kaletea fuli, A kakai o Pikoti, mo Soa, mo Koa, Mo fanau fuli o Asilia, Ala tupulaga mo tauleleka, Ala e kovana mo pule tau fuli, Ala ko ni pule lalasi mo logologona, Ala ko ni tagata ekeosi fuli.

Esekiele 29:18

Vosa o le tagata, ko Nepukatenesale, sau o Papilone, Na tuku ki lana solia ke fai ia se gaoi faigataa ki Tile ; Kua tula fuli a ulu, Kua makolokolo fuli a tuauma ; Kae na leaise maua e ia se totogi i Tile, e ia mo lana kau solia, O uiga mo le gaoi leia na fai e ia ki Tile.

Taniela 4:30

ti na masau loa le sau, o pati : Pe leaise ko Papilone leinei, le kolo lasi leia na kau laga ko se nofoaga fakasau, ke fakasa ai le lasi o loku makeke, mo le kololia o laku pule.

Apakuki 1:6

Ko leinei, e kau lagai loa le kau Kaletea, Se kakai itaita mo makeke, Leia e saele i ni fenua lalasi o too ni nofoaga o ni iki.

Gaoi 7:4

Ti na mavae loa a ia mei le fenua o le kau Kaletea, o nofo i Salani. I le oki o le mate o lona tamana, na too loa a ia e le Atua i lena, o aumai ki le fenua leinei e kotou nonofo ai nei.