Esaia 23:12 - Tosi Tapu

¹² Na pati a ia : Taine o Sitone, taupoou kua maumaui ! E leaise ke toe fakafiafia loa. Ti kapau e ke tuu loa ki aluga, o ano ki le fenua o Kitimi, E leaise ke maua ai foki se maloloaga.

Esaia 23:12 ပူးပေါင်းရင်းမြစ်များ

Senesi 10:4

Ko vosa o Savani : Ko Eliseka, mo Talasisi, mo Kitimi, mo Totanimi.

Senesi 49:13

Ko Sapulone, e nofo loa a ia i le mata tai, E nofo loa a ia i le taulaga o vaka, Ti e kaku loa lona kele ki Sitone.

Esaia 23:7

Pe ko lokoutou kolo lena, leia na fiafia i mua, Leia na fakatuu talu mei fualoa, Leia na ano o nofo i ni fenua mamao ?

Esaia 37:22

Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 47:5

Tonatona fakalologo, ti ke ke ano ki le fakapouli, Taine o le kau Kaletea ! E leaise toe fakaigoa loa a koe ko le fafine aliki o atu puleaga.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 2:10

Kotou ano ki atu motu o Kitimi, ti kotou tio ! Kotou kakau se tasi ki Ketale, ti kotou fakakaukau, Ti kotou tio pe lotou tatau mo koutou !

Selemia 46:11

Pale ki Kalaate, too se lolo faitoo, Taine taupoou, taine o Esipito ! E leaise uiga o lau liuliuga faitoo, Talie e leaise ke toe mauli loa.

Tagi laulau a Selemia 1:15

Na ti e le Aliki ki le kele aku tagata tau fuli i loto malie o oku ; Na tanaki e ia se solia kiate au, Ke maumaui ia aku tagata tupulaga ; Na takatakafi e le Aliki i le tataoaga vino le taupoou, taine o Suta.

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 4:15

E kalaga kia latou : Kotou fakamamao atu, kau kelekele ! Kotou fakamamao atu, kotou fakamamao atu, aua na kotou fafa mai ! E lotou sosola, e lotou sese ; Kua pati i atu puleaga : E leaise lotou toe maua loa lolatou nofoaga !

Esekiele 27:6

Na lotou fau ou foe ki le sene o Pasani, Ti na lotou fau ou ekeekeaga ki le lei na gaoi i le sete Ti na aumai mei motu o Kitimi.

Taniela 11:30

E au loa ni vaka mei Kitimi, o taui a ia ; ti e loto gaegae loa a ia, o toe liliu. I lona itaita ki le sai maokioki, e leaise nofo noa loa a ia ; kae e toe fulusi loa e ia ona mata kia latou ala e leaise taupau ia loa le sai maokioki.

Numelo 24:24

Kae e au loa ni vaka mei Kitimi, E lotou fakamamae loa le kau Asilia, e lotou fakamamae loa le Epeleo ; Ti e toe maumaui loa mo ia foki.

Sosue 11:8

Na tuku loa latou e le Eteleno ki lima o Iselaele ; na lotou tamate loa latou ti na lotou tuli loa latou o kaku ki le kolo lasi ko Sitone, mo Misilefoti-Maimi, ti mo le vaivailiua o Misipa i le esite ; Na lotou tamate loa latou, o leaise sao loa se fa toka tasi.

Apokalipisi 18:22

Ti e leaise toe logo loa iate koe ki le leo o le kau ta alepe, mo le kau fai musika, mo le kau pupusi fulute, ti mo le kau pupusi fakatagi. E leaise toe maua loa iate koe se tufuga e tasi, ti e leaise toe logo loa iate koe ki le tatagi o le fuaga ;