Esaia 23:11 - Tosi Tapu

¹¹ Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esaia 23:11 ပူးပေါင်းရင်းမြစ်များ

Senesi 9:25

Ti na pati loa a ia : Ke Malaia a Kanaane ! Ke liliu a ia ko le nea fakasausau a tagata fakasausau o ona fetaina.

Pesalemo 46:6

E agai le Atua i loto malie o le kolo : e leaise galulu loa a ia ; E tokoi le Atua kiate ia talu mei le mafoata.

Pesalemo 71:3

Ke ke liliu kiate au ko se utu, leia ko soku nofoaga makeke, Leia e feala ke kau sola tuumau ki ai ! Na ke fakatotonu ke saofaki au Talie ko koe ko loku utu mo loku kolo tau.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 14:26

Ko lena le nea leia kua kau fakapapau ki le malama nei katoa ; Ko lena le nea leia e fai loa e loku lima falo ki atu puleaga fuli.

Esaia 19:5

E mamasa loa a vai o le tai, Ti e liliu loa le vaitafe o malo.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 23:10

Taine o Talesisi, kua oki le popula ! Ke ke eva faitalisa i lou fenua, Ofaipe le faifaitalisa o le Nile !

Esaia 23:3

Na tali e ia le fulumeto o le Nile, Ti na maua e ia a taukai o nea fuli ala na to i tafa o le vaitafe : Na nofo a ia ko le maketi o atu puleaga.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Selemia 47:7

Pe feaki loa lau malolo ? E tuku e le Eteleno ana fakatotonu kiate ia, Ke agaaga ki Asekaloni mo le fenua o le mata tai.

Esekiele 26:10

E ufiufi loa a koe e le efu o lana kau osi lasi ; ti e galulu loa ou paa i le logoa o le kau ekeosi, mo le teka o saliote, mo ka e ulu loa le sau i ou matapa ofaipe le ulu ki se kolo kua lava.

Esekiele 26:4

E lotou maumaui loa paa o Tile, E lotou soloi loa ona tule, Ti e kau ali loa lona efu iate ia ; E kau fakaliliu loa a ia ko se utu telefua ;

Esekiele 31:16

I le gugulu o lona vilo na kau fakalulu a atu puleaga I le aso leia na kau tuku ai a ia ki le nofoaga o le kau mate, Mo latou ala e ifo ki le popoko ; Ko laakau fuli o Eteni na fimalie i potu loloto o le kele, Laakau fulumalilie mo malilie o Lipane, ala na fakavai fuli e atu vai.

Naume 1:14

Ko leinei le nea leia na fakatotonu e le Eteleno kiate koe : E leaise ke toe maua ia loa sou sakoga ke taupau ia lou igoa ; E kau too loa i le fale o lou atua a fakatata laakau mo fakatata ukamea saka ; E kau teuteu loa lou tanuma, talie e ke maamaa ai !

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Sakalia 14:21

Ko kulo fuli i Selusalemi mo Suta E fakatapu loa ki le Eteleno o kau tau ; Ko latou fuli ala e momoli ia loa ni sakilifisio e au loa O fakamoso a kanoi manu ki ai. Ti e leaise toe maua loa se tagata fai koloa i le fale o le Eteleno o kau tau, I le aso lena.

Maleko 11:17

Ti na akonaki a ia, o pati : Pe se tosi : E igoa loa loku fale ko se fale faikole ki puleaga fuli ? Kae ko koutou, kua kotou fakaliliu a ia ko se ana o tagata kaia.

Soane 2:16

Ti na pati loa a ia ki le kau fakatau lupe : Ave kese a nea ana i leinei, aua na kotou fakaliliu le fale o loku Tamana ko se fale fakatau.